బ్యాంక్ బంపర్ ఆఫర్.. అప్పు కావాలా తీసుకోండి.. తరువాత ‘EMI’లో చెల్లించండి!

దేశీయ ప్రైవేటు రంగ దిగ్గజం ఐసీఐసీఐ బ్యాంక్ తమ ఖాతాదారులకు శుభవార్త చెప్పింది. గూగుల్ పే, ఫోన్ పే వంటి యూనిఫైడ్ పేమెంట్స్ ఇంటర్ఫేస్ (యూపీఐ) ద్వారా చేసే పేమెంట్లను ఈజీ ఈఎంఐలుగా మార్చుకునే సరికొత్త సౌకర్యాన్ని అందుబాటులోకి తీసుకొచ్చింది. క్యూఆర్ కోడ్ స్కానింగ్ ద్వారా చేసే యూపీఐ పేమెంట్లకు ఇది వర్తించనుంది. ‘బై నౌ పే లేటర్’ సర్వీస్ అందుబాటులో ఉన్న కస్టమర్లు.. తమ పేమెంట్లను ఈఎంఐలుగా మార్చుకోవచ్చని ఐసీఐసీఐ బ్యాంక్ ఒక ప్రకటనలో తెలిపింది. ఈ సౌకర్యం వల్ల లక్షల మంది బ్యాంక్ కస్టమర్లకు ప్రయోజనం కలుగుతుందని ఐసీఐసీఐ వెల్లడించింది.

డబ్బు చేతిలో లేకున్నా మొదట షాపింగ్ చేయొచ్చు.. ఆ డబ్బును తరువాత చెల్లించవచ్చు. దీన్నే ‘బై నౌ పే లేటర్’ సర్వీస్ అంటారు. ఈ సర్వీసులు ఈరోజుల్లో కామన్ అయిపోయాయి. పలు బ్యాంకులు సహా ఈ-కామర్స్ సైట్లు సైతం ఈ సేవలను అందిస్తున్నాయి ఈ సేవలను ఐసీఐసీఐ బ్యాంకు గతంలోనే అందుబాటులోకి తెచ్చినప్పటికీ.. ఖర్చు చేసిన డబ్బు మొత్తం ఒకేసారి చెల్లించాల్సి ఉండేది. దీంతో కొందరు ఖాతాదారులు ఈ సౌకర్యాన్ని వినిపయోగించడం లేదు. ఈ క్రమంలోనే సంస్థ మరో ముందడుగు వేసింది. క్యూఆర్ కోడ్ స్కానింగ్ ద్వారా చేసే యూపీఐ పేమెంట్లను ఈఎంఐలో చెల్లించే వెసులుబాటు కల్పించింది. వినియోగదారులు.., ఏదైనా దుకాణం నుండి వస్తువులను కొనుగోలు చేసేటప్పుడు ఈ సేవలను పొందవచ్చు.

లావాదేవీ మొత్తం రూ. 10,000 లేదా అంతకంటే ఎక్కువ ఉంటే కస్టమర్లు PayLater EMI ఆప్షన్ ను ఎంచుకోవచ్చు. పదవీకాలాన్ని 3, 6 లేదా 9 నెలలు ఎంచుకోవాలి. ఎలక్ట్రానిక్స్, గ్రాసరీస్, అప్పరెల్స్, ట్రావెల్, హోటల్ బుకింగ్, ఫ్యాషన్ వంటి వివిధ కేటగిరిలపై ఈ ఈజీ ఈఎంఐ ఫెసిలిటీ పొందవచ్చని ఐసీఐసీఐ బ్యాంక్ తెలిపింది. లక్షల మంది బ్యాంక్ కస్టమర్లకు ప్రయోజనం చేకూర్చే ఈ పే లేటర్ ఈఎంఐ సౌకర్యాన్ని రానున్న రోజుల్లో ఆన్‌లైన్ షాపింగ్‌కు కూడా విస్తరిస్తామని ఐసీఐసీఐ బ్యాంక్ అధికారులు వెల్లడించారు.

#JustIn: #ICICIBank introduces easy and instant EMI facility for UPI payments made by scanning QR code. Customers can avail of the facility using PayLater, the Bank’s ‘buy now, pay later’ service, thereby enhancing affordability and improving convenience. pic.twitter.com/PJGxnxAWDx

— ICICI Bank (@ICICIBank) April 11, 2023