మీకు క్రెడిట్ కార్డు ఉందా? దాని లిమిట్ ఎలా పెంచుకోవాలో చూడండి!

క్రెడిట్ కార్డ్.. ప్రస్తుతం ఇది లేని వాళ్లు చాలా తక్కువ మందే ఉంటారు. ముఖ్యంగా ఉద్యోగులు ఈ క్రెడిట్ కార్డులను ఎక్కువగా తీసుకుంటున్నారు. ఒక్కొక్కరు అయితే దాదాపు 4 వరకు క్రెడిట్ కార్డులు కలిగి ఉంటున్నారు. సాధారంగా ఇప్పుడు బ్యాంకులు కూడా క్రెడిట్ కార్డ్ జారీ విధానాన్ని చాలా సులభతరం చేసింది. అప్లై చేసుకున్న చాలామందికి దాదాపు క్రెడిట్ కార్డులను జారీ చేసేందుకే ప్రయత్నిస్తున్నారు. మీరు ఒక్క క్రెడిట్ కార్డు తీసుకోగలిగితే తర్వాత దానిని ఆధారంగా చేసుకుని మరిన్ని కార్డులను పొందే అవకాశం ఉంటుంది. అయితే మీకు జారీ చేసిన తర్వాత దాని లిమిట్ ఎలా ఇంక్రీజ్ చేసుకోవాలో తెలుసా? తెలీదా? అయితే ఇప్పుడు తెలుసుకోండి.

ముఖ్యంగా మీ సిబిల్ స్కోర్ ఆధారంగా, మీ జీతం ఆధారంగా, మీ లావాదేవీల ఆధారంగా క్రెడిట్ కార్డలను జారీ చేస్తూ ఉంటారు. సిబిల్ స్కోర్ ఉండి, జీతం కాస్త తక్కువ ఉంటే మీకు కొంచం లిమిట్ తో క్రెడిట్ కార్డును జారీ చేస్తారు. మీ అవసరాలకు అది సరిపోవడం లేదు అనుకుంటే మీరు క్రెడిట్ లిమిట్ ని పెంచుకునే అవకాశం ఉంటుంది. ముఖ్యమైన టిప్ మీరు క్రెడిట్ కార్డు తీసుకున్న తర్వాత ఆ లిమిట్ లో దాదాపు 70 శాతం వరకు ఉపయోగించి తిరిగి డ్యూ డేట్ లోపు చెల్లించాలి. అలా 3 నెలలుపైగా చేస్తే మీ క్రెడిట్ లిమిట్ ని ఇంక్రీజ్ చేసే ఛాన్స్ ఎక్కువగా ఉంటుంది. క్రెడిట్ కార్డు విషయంలో అది బాగా ఉపయోగపడే టిప్‌ కూడా.

మీకు మీ బ్యాంకుకు సంబంధించిన పోర్టల్, యాప్ లలో క్రెడిట్‌ లిమిట్ పెంచుకునేందుకు ఆప్షన్ ఉంటుంది. ఆ ఆప్షన్ ద్వారా మీరు రిక్వెస్ట్ పెట్టుకోవచ్చు. అలా పెట్టుకున్న తర్వాత మీ లావాదేవీలు, మీ జీతంలో ఏమైనా పెరుగుదల ఉంటే తప్పకుండా క్రెడిట్ లిమిట్ పెంచే వీలు ఉంటుంది. అలాగే సిబిల్ స్కోర్ ని బాగా మెయిన్‌టైన్‌ చేయాలి. అంటే ఎప్పుడూ టైమ్ టూ టైమ్ పేమెంట్ చేయాలి. అస్సలు ట్రాన్సక్షన్ బౌన్స్ కాకుండా చూసుకోవాలి. అలా కూడా మీరు క్రెడిట్ లిమిట్ పెంచుకునేందుకు వీలు ఉంటుంది. ఒక్కోసారి మీ ట్రాన్‌సెక్షన్స్‌ చూసి బ్యాంకు వాళ్లే లిమిట్ హైక్‌కి ఛాన్స్ ఇస్తారు.

లేదా మీరు పాత క్రెడిట్ కార్డును బేస్ చేసుకుని కొత్త క్రెడిట్ కార్డుకు కూడా అప్లై చేసుకోవచ్చు. అప్పుడు దాదాపు 50 శాతం వరకు క్రెడిట్ లిమిట్ పెరిగే అవకాశం ఉంటుంది. కాకపోతే లైఫ్ టైమ్ ఫ్రీ క్రెడిట్ కార్డ్‌ లేదా ఏడాదికి రూ.50 వేలు ఖర్చు చేస్తే చాలు అని చెప్పే క్రెడిట్ కార్డులను ఎంచుకోవడం బెటర్. ఎందుకంటే ఒకటి కంటే ఎక్కువ కార్డులకు ఏడాదికి ఇంత అని యాన్యువల్ ఫీజులు కట్టడం సాధారణ విషయం కాదు. అందుకే సాధ్యమైనంత వరకు లైఫ్ టైమ్ ఫ్రీ క్రెడిట్ కార్డులను ఎంచుకోవాలి.

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.