భారీగా పడిపోయిన బంగారం, వెండి ధరలు! ఈరోజు ధరలు ఎలా ఉన్నాయంటే?

బంగారం కొనాలనుకునేవారికి ఇంతకంటే మంచి తరుణం ఉండదేమో. రోజురోజుకు బంగారం పతనమవుతూ వస్తుంది. కొండ దిగి మరీ ధరలు పసిడి ప్రియులకు అందుబాటులోకి వస్తున్నాయి. ఈ నెలలో వరుసగా 7 సార్లు బంగారం ధరలు తగ్గుతూ వచ్చాయి. ద్రవ్యోల్బణం కారణంగా అంతర్జాతీయంగా బంగారం, వెండి ధరలు క్షీణిస్తున్నాయి. గత 10 రోజుల బంగారం ధరలు చూసుకుంటే.. ఫిబ్రవరి 7, 8 తారీఖుల్లో 24 క్యారెట్ల 10 గ్రాముల బంగారం ధర రూ. 57,550 ఉండగా.. ఫిబ్రవరి 9న రూ. 57,710 కి చేరుకుంది. ఫిబ్రవరి 10న రూ. 550 తగ్గి రూ. 57,160 కి పడిపోయింది. ఫిబ్రవరి 11న రూ. 220 పెరిగి రూ. 57,380కి చేరుకుంది. ఫిబ్రవరి 12న ఇదే రేటు కొనసాగింది.

ఫిబ్రవరి 13న రూ. 150 తగ్గి రూ. 57,230కి చేరుకుంది. ఫిబ్రవరి 14న రూ. 10 మాత్రమే పెరిగింది. దీంతో 24 క్యారెట్ల 10 గ్రాముల బంగారం ధర రూ. 57,240 కి చేరుకుంది. ఫిబ్రవరి 15న రూ. 80 తగ్గి రూ. 57,160 గా ఉంది. ఫిబ్రవరి 16 ట్రేడింగ్ ముగిసే సమయానికి రూ. 430 తగ్గింది. దీంతో ఇవాళ 24 క్యారెట్ల గ్రాము బంగారం ధర రూ. 5,240 గా ఉంది. ఇవాళ ఫిబ్రవరి 17న 24 క్యారెట్ల బంగారం ధర 10 గ్రాముల వద్ద రూ. 56,730 గా ఉంది. అంతర్జాతీయ మార్కెట్ లో స్పాట్ గోల్డ్ ధర ఒక ఔన్సుకు 1828.84 వద్ద కొనసాగుతోంది. దాదాపు 0.42 శాతం మేర తగ్గింది. ఔన్సు వెండి ధర 21.47 వద్ద ట్రేడ్ అవుతోంది. 0.76 శాతం మేర పడిపోయింది. ఈరోజు ట్రేడ్ ముగిసే సమయానికి ఇంకా తగ్గే అవకాశం కనిపిస్తుంది.

22 క్యారెట్ల బంగారం ధర గ్రాము రూ. 5,200 ఉండగా.. 10 గ్రాముల బంగారం ధర రూ. 52,000 గా ఉంది. నిన్న 22 క్యారెట్ల బంగారం గ్రాము రూ. 5,240 గా ఉంది. అంటే 10 గ్రాముల వద్ద ఇవాళ ఏకంగా రూ. 400 తగ్గింది. కిలో వెండి ధర నిన్న రూ. 72 వేలు ఉండగా.. ఇవాళ రూ. 200 తగ్గి రూ. 71,800 గా ఉంది. గడిచిన 10 రోజుల్లో వెండి ధరలు కూడా తగ్గుతూ వస్తున్నాయి. ప్రస్తుతం హైదరాబాద్, విజయవాడ, గుంటూరు, విశాఖపట్నం నగరాల్లో కిలో వెండి ధర రూ. 71,800 గా ఉంది. ఈ నగరాల్లో బంగారం ధరలు కూడా హైదరాబాద్ ధరలే ఉన్నాయి. ఈ ధరలు ఇంకా తగ్గే అవకాశం ఉందని నిపుణులు చెబుతున్నారు.