ఇంటర్నెట్‌ యూజర్లకు భారీ శుభవార్త.. అత్యంత చవకైన ఇంటర్నెట్‌ ప్లాన్‌..!

ప్రారంభంలో వినియోగదారులను ఆకర్షించుకునేందుకు టెలికాం కంపెనీలు భారీ ఆఫర్లు ప్రకటించాయి. చాలా తక్కువ ధరకే మొబైల్‌ డాటాను, అన్‌ లిమిటెడ్‌ కాల్స్‌ ప్రకటించాయి. దేశంలో ఇంటర్నెట్‌ వినియోగం, స్మార్ట్‌ ఫోన్‌ ల వాడకం విపరీతంగా పెరిగిన తరువాత.. టెలికం కంపెనీలు యూజర్లుకు భారీ షాకిచ్చాయి. దిగ్గజ ప్రైవేట్‌ టెలికాం సంస్థలు పోటీ పడుతూ మొబైల్‌ ఇంటర్నెట్‌ ప్లాన్‌ ధరలను పెంచుతూ నిర్ణయం తీసుకున్నాయి. దీనిపై వినియోగదారులు అసంతృప్తిగా ఉన్నారు. ఇక ఇదే అదునుగా ప్రభుత్వ రంగ టెలికాం సంస్థ భారత్‌ సంచార్‌ నిగమ్‌ లిమిటెడ్‌(బీఎస్‌ఎన్‌ఎల్‌) సరికొత్త ప్లాన్లను ప్రకటిస్తూ కొత్త కస్టమర్లను యాడ్‌ చేసుకుంటుంది. తక్కువ ధరలో యూజర్లకు అధిక ప్రయోజనాలను అందించే విధంగా బీఎస్‌ఎన్‌ఎల్‌ పలు ప్లాన్స్‌ను ప్రకటించింది. తాజాగా బ్రాడ్‌ బ్యాండ్‌ యూజర్లను దృష్టిలో ఉంచుకొని బీఎస్‌ఎన్‌ఎల్‌ అత్యంత చవకైన ఇంటర్నెట్‌ ప్లాన్‌ను లాంచ్‌ చేసింది.

కేవలం రూ. 329తో 1,000 డాటా..!
బీఎస్‌ఎన్‌ఎల్‌ తన బ్రాడ్‌ బ్యాండ్‌ కస్టమర్లకోసం సరికొత్త ఫైబర్ ఎంట్రీ ప్లాన్‌ రూ. 329ను ప్రకటించింది.ఈ ప్లాన్‌ కాల పరిమితి నెలరోజులు. ఈ ప్లాన్‌ బీఎస్‌ఎన్‌ఎల్‌ భారత్ ఫైబర్ ప్లాన్‌లో అత్యంత చౌకైన ప్లాన్‌గా నిలుస్తోంది. ఈ ప్లాన్‌తో 1000జీబీ(1టీబీ) డేటా వరకు యూజర్లు గరిష్టంగా 20 ఎంబీపీఎస్‌ వేగాన్ని పొందవచ్చు. తరువాత నామమాత్రం స్పీడ్‌తో బ్రాడ్‌ బ్యాండ్‌ సేవలను యూజర్లకు కల్పిస్తోంది బీఎస్‌ఎన్‌ఎల్‌. కాగా ఇది ప్రస్తుతం ఎంపిక చేసిన రాష్ట్రాల్లో అందుబాటులో ఉంది. దీంతో పాటుగా ఈ ప్లాన్‌లో భాగంగా యూజర్లు అదనంగా ఏ నెట్‌వర్క్‌కైనా లోకల్‌, ఎస్టీడీ కాలింగ్‌ను కూడా యాక్సెస్ చేయవచ్చు.

బ్రాడ్‌బ్యాండ్‌ యూజర్లే లక్ష్యంగా..!
బ్రాడ్‌బ్యాండ్‌ యూజర్ల పెంపును లక్ష్యంగా చేసుకొని బీఎస్‌ఎన్‌ఎల్‌ ఈ సరికొత్త భారత్‌ ఫైబర్‌ ప్లాన్స్‌ను అందుబాటులోకి తెచ్చింది. దిగ్గజ ప్రైవేట్‌ టెలికాం సంస్థలకు ధీటుగా బీఎస్‌ఎన్‌ఎల్‌ ఈ కొత్త ప్లాన్లను ప్రకటించింది. బ్రాడ్‌ బ్యాండ్‌ ఇంటర్నెట్‌ విషయంలో ప్రైవేట్‌ టెలికాం సంస్థలు జియో, ఎయిర్‌టెల్‌ నుంచి బీఎస్‌ఎన్‌ఎల్‌ గట్టిపోటీని ఎదుర్కొంటుంది.

మరిన్ని లేటెస్ట్ అప్డేట్స్ కోసం SumanTV App డౌన్లోడ్ చేసుకోండి.