అదానీ గ్రూప్ సంచలన నిర్ణయం.. ఇన్వెస్టర్లందరికీ తిరిగి డబ్బులు చెల్లించనున్నట్లు వెల్లడి..

అదానీ ఎంటర్ ప్రైజెస్ సంచలన నిర్ణయం తీసుకుంది. బుధవారం జరిగిన డైరెక్టర్ల సమావేశంలో ఫాలో ఆన్ పబ్లిక్ ఆఫర్(ఎఫ్ పీఓ)ల విషయంలో కీలక నిర్ణయం తీసుకున్నారు. ఎఫ్ పీఓ ద్వారా సేకరించిన నిధులను ఖర్చు చేయకూడదనే నిర్ణయానికి వచ్చారు. బుధవారం రాత్రి ఈ విషయానికి సంబంధించి కంపెనీ ఒక ప్రకటన కూడా జారీ చేసింది. ఎఫ్ పీఓ ద్వారా సేకరించిన నిధులను తిరిగి చెల్లిస్తామని చెప్పారు. అలాగే లావాదేవీలను సైతం ఉపసంహరించుకునేందుకు నిర్ణయం తీసుకున్నామంటూ ప్రకటించారు. అలా ఎందుకు చేయాల్సి వచ్చిందో ఇప్పుడు చూద్దాం.

అదానీ ఎంటర్ ప్రజైస్ కు సురక్షితమైన ఆస్తులు, బలమైన బ్యాలెన్స్ షీట్ ఉన్నట్లు తెలిపారు. తీసుకున్న అప్పులను తిరిగి చెల్లించడంలో వారికి గొప్ప ట్రాక్ రికార్డు ఉందని గుర్తు చేశారు. ఎఫ్ పీఓల విషయంలో తాము తీసుకున్న నిర్ణయం కంపెనీ భవిష్యత్ పై ఎలాంటి ప్రభావం చూపదని స్పష్టం చేశారు. పెట్టుబడిదారుల ప్రయోజనం కోసమే ఇలాంటి సాహసోపేత నిర్ణయం తీసుకున్నట్లు వివరించారు. “సంస్థపై నమ్మకం ఉంచి మాకు అండగా నిలిచిన ప్రతి పెట్టుబడిదారుడికి మేము ధన్యవాదాలు తెలియజేస్తున్నాం. మంగళవారం ఎఫ్ పీఓ సబ్ స్క్ర్పిషన్ సక్సెస్ అయ్యింది. గడిచిన వారం రోజులుగా షేర్లలో ఎంత అస్థిరత నెలకొని ఉందో అందరికీ తెలిసిందే. కానీ, మా సంస్థ వ్యాపార నిర్వహణపై నమ్మకంతో పెట్టుబడి పెట్టేందుకు సిద్ధమైన మీ అందరికీ కృతజ్ఞతలు. ఇలాంటి అస్థిర, అనిశ్చితి నెలకొన్న సమయంలో ఎఫ్ పీఓ ముందుకు సాగకూడదని అదానీ బోర్డు నిర్ణయించింది” అంటూ వెల్లడించారు.

మరోవైపు హిండెన్ బర్గ్ నివేదికతో అదానీ గ్రూప్ సంస్థల ప్రతిష్ఠ మసకబారుతున్నట్లు కనిపిస్తోంది. మొన్నటి వరకు అదానీ గ్రూప్ సంస్థలు అనగానే ఎంతో ఆసక్తి ఉండేది. కానీ ఇప్పుడు పరిస్థితులు తారుమారు అయినట్లు కనిపిస్తున్నాయి. కంపెనీ బాండ్లను షూరిటీగా పెట్టుకుని రుణాలు ఇచ్చేందుకు ప్రముఖ ఇన్వెస్ట్ మెంట్ బ్యాంకులు ముఖం చాటేస్తున్నట్లు వార్తలు వినిపిస్తున్నాయి. వీటిపై బ్లూంబర్గ్ వార్తా సంస్థ కథనం ప్రచురించింది. స్విట్జర్లాండ్ కేంద్రంగా పనిచేసే క్రెడిట్ సూయిస్ ఏజీ అదానీ గ్రూప్ విషయంలో ఆ నిర్ణయం తీసుకున్నట్లు చెబుతున్నారు. అదానీ పోర్ట్స్, గ్రీన్ ఎనర్జీ, ఎలక్ట్రిసిటీ ముంబై కంపెనీల బాండ్లకు క్రెడిట్ సూయిస్ ఏజీ జీరో వ్యాల్యూ ఇచ్చినట్లు కథనంలో పేర్కొన్నారు.

#WATCH | After a fully subscribed FPO, yday’s decision of its withdrawal would’ve surprised many. But considering volatility of market seen yday, board strongly felt that it wouldn’t be morally correct to proceed with FPO:Gautam Adani, Chairman, Adani Group

(Source: Adani Group) pic.twitter.com/wCfTSJTbbA

— ANI (@ANI) February 2, 2023