follow us:
యాంకర్ శివ.. కాంట్రవర్సీ శివ నుంచి బిగ్ బాస్‌ నాన్‌ స్టాప్‌ సీజన్‌ తో సూపర్‌ కూల్‌ శివగా పేరు సంపాదించుకున్నాడు. ఎలాంటి బ్యాగ్రౌండ్‌, సపోర్ట్ లేకుండా బిగ్ బాస్‌ ఓటీటీలో టాప్‌ 3 ప్లేస్‌ కు చేరుకున్నాడు. అంతేకాకుండా బిగ్ బాస్‌ తెలుగు సీజన్‌ 6కి కూడా ఛాన్స్‌ కొట్టేశాడు. బిగ్ బాస్‌ తో యాంకర్ శివ అంటే ఏంటో ప్రేక్షకులు తెలుసుకున్నారు. యూట్యూబ్‌ లో కేవలం వైరల్ కావడం కోసం మాత్రమే శివ అలాంటి ఇంటర్వ్యూలు చేస్తాడని గ్రహించారు. అంతేకాకుండా బిగ్ బాస్‌ తర్వాత యాంకర్ శివకు మంచి ఫాలోయింగ్‌, ఫ్యాన్‌ బేస్‌ కూడా పెరిగింది. అయితే ప్రస్తుతం యాంకర్ శివపై ఓ విషయం సోషల్ మీడియాలో వైరల్ గా మారింది.
అదేంటంటే.. యాంకర్ శివకు పోలీసులు క్లాస్‌ పీకారంటూ వార్తలు వస్తున్నాయి. బిగ్ బాస్‌ నాన్‌ స్టాప్‌ గ్రాండ్‌ ఫినాలే రోజు యాంకర్ శివ కారులో తన అభిమానులకు అభివాదం చేసుకుంటూ రోడ్డుపై ర్యాలీగా వచ్చాడు. శివను చూడగానే అతని అభిమానులు ఒక్కసారిగా కారుకు అడ్డంగా వచ్చేశారు. కారులోంచి పైకి వచ్చి శివ అందరినీ పలకరించాడు. ఆ క్రమంలో రోడ్డుపై మొత్తం ట్రాఫిక్‌ జామ్ అయిపోయింది.
ఆ తర్వాత పోలీసులు అక్కడకు చేరుకుని శివకు క్లాస్‌ పీకినట్లు చెబుతున్నారు. అలా అనుమతి లేకుండా ర్యాలీలు చేయడం, కారులో పైకి వచ్చి రోడ్డుపై తిరగడం నేరం అని చెప్పారు. వారి వల్ల రోడ్డుపై ట్రాఫిక్‌ జామ్ అవుతోందని కారులో కూర్చొని వెళ్లిపోవాలని సూచించారు. వెంటనే శివ కారులో కూర్చొని అక్కడి నుంచి వెళ్లిపోయాడు. ప్రస్తుతం ఈ విషయం సోషల్ మీడియాలో వైరల్ గా మారింది.
View this post on Instagram
నిజానికి ప్రతి బిగ్ బాస్‌ సీజన్‌ లో ఇలాంటి అనధికారిక ర్యాలీలు జరుగుతూనే ఉంటాయి. అందరూ కార్లపైకి వచ్చి తమ అభిమానులకు అభివాదం చేయడం, వారిని పలకరించడం చేస్తుంటారు. ఈ సీజన్లోనూ అంతా అదే పని చేశారు. కాకపోతే యాంకర్ శివ మాత్రం సోషల్ మీడియాలో వైరల్‌గా మారాడు. యాంకర్ శివ చేసిన పనిపై మీ అభిప్రాయాలను కామెంట్స్ రూపంలో తెలియజేయండి.
View this post on Instagram
