follow us:
‘బిగ్ బాస్ 5 తెలుగు’ హౌస్‌లో రెండుసార్లు రచ్చ జరుగుతుంది. ఒకటి సోమవారం నామినేషన్లు.. రెండు కెప్టెన్సీ పోటీదారుల టాస్కు రోజే. ఇప్పుడు హౌస్‌లో అదే రచ్చ నడుస్తోంది. బంగారు కోడిపెట్ట పెట్టే గుడ్లు కోసం ఇంట్లోని సభ్యులు మామూలు కష్టాలు పడట్లేదు. ప్రొఫెషనల్‌ దొంగలు కూడా వీరి టాలెంట్‌ ముందు చిన్నబోవాల్సిందే. అంతలా దొంగతనాలు చేస్తూ కుస్తీలు పడుతున్నారు. ఇంకోవైపు ప్రియ, సన్నీల మధ్య వివాదం ముదిరిపోతోంది. దాడి చేసుకునే వరకు కూడా వచ్చేసింది. వదిలితే కొట్టేసుకుంటారేమో అనేంతలా వాదించుకున్నారు. సన్నీ చాలా వరకు సహనంగానే వ్యవహరించాడు. చెంప పగలకొడతా అంటూ ప్రియ చాలాసార్లు అన్నా కూడా ఎంతో సహనంగానే ఉన్నట్లు అనిపించింది. అసలు ప్రియ ఎందుకు ఇలా చేస్తోంది అనే ప్రశ్న వినిపిస్తోంది.
ఉండేకొద్దీ ప్రియ- సన్నీల వివాదం చాలా ముదురుతోంది. ఒకరినకొరు టార్గెట్‌ చేసుకోవడం. సన్నీ నిజ స్వరూపం బయటపెడతా అంటూ వేటగాడు టాస్కులో పిచ్చి రీజన్‌ చెప్పడం. మొత్తానికి సన్నీని బాగా టార్గెట్‌ చేసింది ప్రియ. సన్నీ కూడా గట్టిగా మాట్లాడాలన్న, ఏమన్నా అనాలన్నా అతనికి అవకాశం లేదు. ప్రియ మాత్రం ఆడు, ఈడు అంటూ మాట్లాడేస్తోంది. మళ్లీ అలా అనలేదంటూ ఏడ్చేస్తోంది. బంగారు కోడిపెట్ట టాస్కులో కేవలం సన్నీని దెబ్బతీయడానికే గేమ్‌ ఆడకుండా అతని గుడ్లను దొంగతనం చేసి అందరికీ పంచుతోంది. అది కాస్తా ఇద్దరూ కొట్టుకోబోయేదాకా వచ్చింది. అంతా బానే ఉంది కానీ ప్రియ ఇది గేమ్‌లా స్టార్ట్‌ చేసి చాలా పర్సనల్‌గా తీసుకున్నట్లు అనిపిస్తోంది. సన్నీ ప్రతివారం నామినేట్‌ చేయడమే కాదు.. సందర్భం దొరికిన ప్రతిసారి అతడ్నే టార్గెట్‌ చేస్తోంది.
శ్రుతి మిచుతోంది..ప్రియ మరీ ఓవర్‌గా చేస్తోందంటూ ప్రేక్షకుల్లో టాక్‌ మొదలైంది. మరీ సన్నీని అంతలా టార్గెట్‌ చేయడం కూడా జనాలకు నచ్చడం లేదు. ప్రియ చేసే ప్రతి పనీ ఇటు సన్నీకే ప్లస్‌ అయ్యేలా ఉంది. సన్నీ ఇంట్లో అందరితో ఎంతో స్నేహంగా ఉంటాడు. సన్నీకి శత్రువులు అంటే ఎవరూ లేరు. కాకపోతే అందరికీ సలహాలు ఇస్తాడంటూ పేరు తెచ్చుకున్నాడు. ప్రియ చేసే పని సన్నీకి సింపతీని పెంచుతోంది. మగాడు.. మగాడిలా ఆడు వంటి డైలాగులు వాడటం కాస్త ఇబ్బంది కలిగించేలానే ఉంది. సన్నీ ఇప్పటికే మగాడివా అన్న సందర్భం ఉంది. మళ్లీ పెద్ద మగాడా? అని క్వశ్చన్‌ చేయడం సన్నీకి చిర్రెత్తుకొచ్చేలా చేసింది. మాట్లాడితే చంపపగులుద్దీ అంటీ సన్నీ మీదకు వెళ్లడం. సన్నీ కూడా ప్రియ మీదకు వెళ్లడం హౌస్‌లో యుద్ధ వాతావరణమే ఏర్పడింది.
సన్నీ- ప్రియ మధ్య వివాదాలు బిగ్ బాస్ ప్లానేనా? మీ అభిప్రాయాలను కామెంట్‌ చేయండి.
