follow us:
Anil Kumar Yadav: ఏపీలోని ఎన్టీఆర్ హెల్త్ యూనివర్శిటీ పేరు మారుస్తూ ఆంధ్రప్రదేశ్ ప్రభుత్వం నిర్ణయం తీసుకున్న సంగతి తెలిసిందే. ఆ యూనివర్శిటీకి వైఎస్సార్‌ పేరు పెట్టింది ప్రభుత్వం. ఈ నేపథ్యంలోనే సీనియర్‌ ఎన్టీఆర్ వారసులైన కల్యాణ్‌ రామ్‌, జూనియర్‌ ఎన్టీఆర్‌లు ట్వీట్ల ద్వారా స్పందించారు.. ‘‘1986లో విజయవాడలో మెడికల్ యూనివర్సిటీ స్థాపించారు. ఆంధ్రప్రదేశ్ లోని 3 ప్రాంతాల విద్యార్థులకు నాణ్యమైన వైద్య విద్యని అందుబాటులోకి తీసుకురావాలని కోరుకున్న శ్రీ ఎన్టీఆర్ గారు మహావిద్యాలయానికి అంకురార్పణ చేశారు. ఈ వైద్య ఆరోగ్య విశ్వవిద్యాలయం దేశంలోనే అత్యుత్తమంగా అభివృద్ధి చెందింది. లెక్కలేనన్ని నైపుణ్యం కలిసి వైద్య నిపుణులని దేశానికి అందించింది.
తెలుగు రాష్ట్రాల్లో వైద్య అధ్యయనాల మెరుగుదలకు ఆయన చేసిన కృషిని స్మరించుకునేందుకు వర్సిటీకి డాక్టర్ ఎన్టీఆర్ యూనివర్సిటీ ఆఫ్ హెల్త్ సైన్సెస్ అని పేరు మార్చారు. ఏ రాజకీయ పార్టీ అధికారంలో ఉన్నప్పటికీ 25 ఏళ్లకు పైగా ఉనికిలో ఉన్న ప్రతిష్టాత్మక విశ్వవిద్యాలయం పేరు మార్చడం నాకు బాధ కలిగించింది. కేవలం రాజకీయ లాభం కోసం చాలామందికి భావోద్వేగాలతో ముడిపడి ఉన్న ఈ అంశాన్ని వాడుకోవడం తప్పు’’ అని కల్యాణ్‌ రామ్‌ అన్నారు. ఇక ఎన్టీఆర్ స్పందిస్తూ.. ‘‘‘ఎన్టీఆర్, వైఎస్ఆర్ ఇద్దరూ విశేష ప్రజాదరణ సంపాదించిన గొప్ప నాయకులు.
ఈ రకంగా ఒకరి పేరు తీసి ఒకరి పేరు పెట్టడం ద్వారా తెచ్చే గౌరవం వైఎస్ఆర్ స్థాయిని పెంచదు. ఎన్టీఆర్ స్థాయిని తగ్గించదు. విశ్వవిద్యాలయానికి పేరు మార్చడం ద్వారా ఎన్టీఆర్ సంపాదించుకున్న కీర్తిని, తెలుగుజాతి చరిత్రలో వారిస్థాయిని, తెలుగు ప్రజల హృదయాల్లో ఉన్న వారి జ్ఞాపకాలను చెరిపివేయలేదు’’ అని పేర్కొన్నారు. ఇక, ఎన్టీఆర్ హెల్త్ యూనివర్శిటీ పేరు మార్పుపై కల్యాణ్‌ రామ్‌, జూనియర్‌ ఎన్టీఆర్‌లు ట్వీట్లు చేయటంపై ఆంధ్రప్రదేశ్ మాజీ మంత్రి అనిల్‌ కుమార్‌ యాదవ్‌ మండిపడ్డారు. ‘‘ నందమూరి అంటే ఒక బ్రాండ్‌.
ఆయన మనవళ్లుగా పుట్టి ట్వీట్లు చేయటం కాదు. ఆ పార్టీని లాక్కోండి. ఆ పార్టీ మీది. ఫస్ట్‌ దాని కోసం తొడలు కొట్టండి. ఊరికే సౌండ్‌ ఎందుకు? ఇది మా తాత పార్టీ అని దాన్ని లాక్కోండి. నందమూరి వంశాన్ని చంపేశారు. ఇప్పుడంతా నారానే ఉంది’’ అని అన్నారు. మరి, కల్యాణ్‌ రామ్‌, జూనియర్‌ ఎన్టీఆర్‌లపై ఆంధ్రప్రదేశ్ మాజీ మంత్రి అనిల్‌ కుమార్‌ యాదవ్‌ మండిపడటంపై మీ అభిప్రాయాలను కామెంట్ల రూపంలో తెలియజేయండి.
ఇవి కూడా చదవండి : ఏపీలో ముఖ్యమంత్రి వైఎస్‌ జగన్‌ పాలనపై KTR ప్రశంసలు!
