హైదరాబాద్: ఫ్లై ఓవర్ కింద ఇరుక్కుపోయిన విమానం.. వీడియో వైరల్!

విమానం ఏంటి? ఫ్లై ఓవర్ కింద ఇరుక్కుపోవడం ఏంటి అనుకుంటున్నారా? అవును మీరు విన్నది నిజమే. హైదరాబాద్‌కు చెందిన ఓ ప్రముఖ రెస్టారెంట్‌ యజమాని, నగర శివార్లలో ఉన్న షామీర్‌పేటలో కొత్తగా రెస్టారెంట్‌ను ఏర్పాటు చేయాలనుకున్నారు. సాధారణ రెస్టారెంట్ అయితే తినడానికి వచ్చే వారు తక్కువుగా ఉంటదన్న ఉద్దేశ్యంతో రెస్టారెంట్‌ విమానంలో ఏర్పాటు చేయాలనుకున్నారు. అందుకోసం కొచ్చిలో ఓ పాత విమానాన్ని కొనుగోలు చేశారు. పాత విమానం కదా గాలిలో ఎగరదు కనుక ఒక ప్రత్యేక ట్రాలీపై హైదరాబాద్‌కు తరలించే ఏర్పాట్లు చేశాడు.

కేరళలోని కొచ్చి నుంచి ఆంధ్రప్రదేశ్‌లోని బాపట్ల జిల్లా సరిహద్దుల వరకు అంతా సజావుగానే సాగింది. అయితే కోరిసపాడు అండర్‌పాస్‌(బ్రిడ్జ్) కింద విమానం ఉన్నట్టుండి ఇరుక్కుపోయింది. ముందుభాగం బ్రిడ్జి కిందినుంచి బాగానే వెళ్లినప్పటికీ.. మధ్యలోకి వచ్చేసరికి వంతెన కింది భాగానికి రాసుకుంది. దీంతో ట్రక్‌ డ్రైవర్‌.. లారీని మళ్లీ వెనక్కి తీసుకెళ్లి ఎలాగోలా అండర్‌పాస్‌ దాటించాడు. అయితే విమానం అండర్‌పాస్‌ కింద ఇరుక్కుపోయిందన్న వార్త తెలియడంతో భారీ సంఖ్యలో జనాలు అక్కడికి చేరుకున్నారు. దీంతో రోడ్డుకు ఇరువైపుల భారీగా ట్రాఫిక్‌ జామ్‌ అయింది. పోలీసులు అక్కడికి చేరుకుని ట్రాఫిక్ ను క్లియర్ చేయాల్సిన పరిస్థితి వచ్చింది. ప్రస్తుతం అందుకు సంబంధించిన వీడియోలు సోషల్ మీడియాలో వైరల్‌ అవుతున్నాయి.

This plane bought by the owner of Hyderabad’s famous restuarent Pista House gets stuck on underpass in Andhra Pradesh’s Bapatla.

Pista House to use this plane as aviation-themed restaurant. pic.twitter.com/X2SuhqFf8B

— Madhusudhan Reddy 🤖 (@madhusite) November 14, 2022