షాకింగ్ న్యూస్! లవ్ యూ జిందగీ లేడీ ఇక లేదు!

కరోనా అంటే అందరికీ భయమే. ఎక్కడ తమకి సోకుతుందో అని అంతా ప్రాణాలు గుప్పిట్లో పెట్టుకుని బతుకుతున్నారు. ఇక పాజిటివ్ వచ్చిన వారిలో చాలా మంది భయంతోనే ప్రాణాలు విడుస్తున్నారు. ఇలాంటి సమయంలో ఓ యువతి కరోనా చికిత్య తీసుకుంటూ.., లవ్ యూ జిందగీ పాట వింటూ ఓ వీడియోలో కనిపించింది. ఆమె చేతికి సెలైన్, నోటికి ఆక్సిజన్. చాలా సీరియస్ కండీషన్. ఒక రకంగా చెప్పాలంటే ప్రాణాలకి గ్యారంటీ లేదు. ఇలాంటి సమయంలో ఆ యువతి పాటలు వింటూ తన జీవితాన్ని ప్రేమిస్తూ కనిపించింది. ఈ ఒక్క వీడియో దేశంలోని కోట్ల మందికి ధైర్యాన్ని ఇచ్చింది. కరోనా వచ్చినా.., ఎంత గుండె దైర్యంతో ఉండాలో నేర్పింది. కానీ.., ఇంతటి దైర్యం, జీవితంపై ప్రేమ ఆమెని కాపాడలేకపోయాయి. ఏ కరోనానైతే ఆమె లెక్కచేయలేదో, అదే మహమ్మారి ఆమెని తిరిగిరాని లోకాలకి తీసుకు పోయింది.

ఆ యువతి లవ్ యూ జిందగీ పాట వింటున్న వీడియోను ప్రపంచం దృష్టికి తీసుకొచ్చిన డాక్టర్ మోనికానే… ఆమె ఇక లేదన్న చేదు వార్తను కూడా ట్విటర్ ద్వారా తెలిపింది. గురువారం రాత్రి ఆమె ఈ ట్వీట్ చేసింది. ఎంతో ధైర్యవంతురాలైన ఆ యువతి ఇక లేదని చెప్పడానికి చాలా బాధపడుతున్నాను. ఆమె కుటుంబానికి, ఆమె రాకకోసం ఎదురు చూస్తున్న చిన్నారి కోసం ప్రార్థించండి అని డాక్టర్ మోనికా ట్వీట్ చేసింది. కొవిడ్తో రెండు వారాల పాటు పోరాడిన ఆ యువతి వయసు కేవలం 30 సంవత్సరాలే. ఆమెకు ఓ చిన్నారి కూడా ఉంది. అయితే.., ఈ లవ్ జిందగీ యువతి ఎవరో, ఆమె పేరేంటో ఇప్పటి వరకూ ఎవరికీ తెలియదు. కానీ.., ఆ వీడియో చాలా మందిని కదిలించింది. కళ్ల ముందు చావు కనిపిస్తున్నా.. అంత చలాకీగా ఆడిపాడుతూ అసలు జీవితం అంటే ఏంటో చెప్పిన ఆ యువతి ఇక లేదన్న వార్తను వాళ్లు తట్టుకోలేకపోతున్నారు. తనను మృత్యువు కబళిస్తున్నా.. చివరి నిమిషం వరకూ ఆమె తన జీవితాన్ని ప్రేమించిన తీరు మాత్రం ఎంతో మందికి ఆదర్శం.