కేటీఆర్‌ వాట్సాప్‌ అకౌంట్ బ్లాక్‌.. ఏకంగా ఎనిమిది వేల మెసెజ్‌లు పెండింగ్..!

తెలంగాణ మంత్రి, టీఆర్ఎస్ వర్కింగ్ ప్రెసిడెంట్ కేటీఆర్ వాట్సాప్ అకౌంట్ బ్లాక్ అయింది. ఈ విషయాన్ని ఆయనే ట్విట్టర్ వేదికగా వెల్లడించారు. ‘తిరిగి అన్ లాక్ చేసుకోవడానికి తీవ్ర ప్రయత్నాలు చేస్తున్నా సాధ్యం కావడం లేదు. తనకు కనీసం ఎనిమిది వేల మెసెజ్‌లు వచ్చాయని వాటిని చదవడానికి వీలు లేకుండా పోయిందని’ తెలిపారు. తన వాట్సాప్ బ్లాక్ అయిన అంశంపై చూపిస్తున్న స్క్రీన్ షాట్‌ను కూడా జత చేశారు. స్పామ్ కారణంగా బ్లాక్ చేసినట్లుగా అందులో కనిపిస్తోంది. ఈ అంశంపై డిజిటల్ చాలెంజ్ హ్యాష్ ట్యాగ్ పేరుతో ట్విట్టర్‌లోకి తెచ్చారు కేటీఆర్ .

వాట్సాప్ సంస్థ ప్రతీ నెలా లక్షల మంది వాట్సాప్ ఖాతాలను బ్లాక్ చేస్తూ ఉంటుంది. యూజర్లు ఎక్కువగా ఫార్వర్డ్ మెసేజెస్ పంపుతున్నా.. వాటిపై ఫిర్యాదులు వచ్చినా అకౌంట్‌ని వాట్సప్ బ్లాక్ చేస్తుంది. బ్లాక్ అయిన మీ వాట్సప్ అకౌంట్‌ను రీస్టోర్ చేయాలంటే వాట్సప్ సపోర్ట్‌ను సంప్రదించాల్సి ఉంటుంది. కేటీఆర్ కూడా ఇప్పటికి రెండు సార్లు అలా సంప్రదించి అకౌంట్ రికవర్ చేసుకున్నా.. మూడో సారి కూడా బ్లాక్ అయినట్లుగా తెలుస్తోంది.

Got kicked out of my @WhatsApp thrice since yesterday as I had more than 8 thousand messages!

Was trying to respond to as many messages as possible but it now has become inaccessible for last 24 hours#DigitalChallenges pic.twitter.com/JVZhH4Wf8L

— KTR (@KTRTRS) July 26, 2022

ఇదిలా ఉండగా.. కాలికి గాయం కాడంతో కేటీఆర్ ప్రస్తుతం ఇంట్లో విశ్రాంతి తీసుకుంటున్నారు. కాలికి దెబ్బ తగిలినా.. విశ్రాంతి తీసుకుంటూనే ఇంటి నుంచే పని చేస్తున్నానని తెలిపారు. వర్క్ ఫ్రం హోం అంటూ ట్వీట్ చేశారు. కేటీఆర్‌ వాట్సాప్‌ అకౌంట్ బ్లాక్‌ కావడంపై మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: TS JLM: లైన్‌మెన్ ఎగ్జామ్ పేపర్‌ లీక్.. విచారణలో విస్తుపోయే నిజాలు!