follow us:
మన దగ్గర సినిమాలకు రాజకీయాలకు అవినాభావ సంబంధం ఉంది. ఇండస్ట్రీకి చెందిన చాలా మంది రాజకీయాల్లో రాణిస్తున్న సంగతి తెలిసిందే. రాజకీయ నాయకులకు, సెలబ్రిటీలకు మధ్య మంచి సంబంధాలు ఉంటాయి. ఈ విషయంలో టీఆర్‌ఎస్‌ వర్కింగ్ ప్రెసిడెట్‌ కేటీఆర్ ఓ అడుగు ముందే ఉంటారు. ఇండస్ట్రీలోని సీనియర్‌ హీరోల దగ్గర నుంచి.. నేటి తరం కథానాయకుల వరకు అందరితో కేటీఆర్‌కు మంచి సంబంధాలే ఉన్నాయి. పలు సందర్భాల్లో ఈ విషయం బహిర్గతం అయ్యింది. ఈ క్రమంలో ఆదివారం (జూలై 24) కేటీఆర్ బర్త్‌డే సందర్భంగా సినీ, రాజకీయ ప్రముఖులు ఆయనకు బర్త్‌డే విషేస్‌ చెప్పారు. ఈ క్రమంలో మెగా పవర్‌ స్టార్‌ రామ్ చరణ్ కేటీఆర్‌కు బర్త్‌డే విషెస్‌ తెలిపారు. అందుకు బదులిస్తూ.. కేటీఆర్ రామ్ చరణ్‌పై ఆసక్తికర వ్యాఖ్యలు చేశారు. ప్రస్తుతం వీరిద్దరి మధ్య జరిగిన ట్విట్టర్‌ సంభాషణ నెట్టింట వైరల్‌గా మారింది. ఆ వివరాలు..
కేటీఆర్ పుట్టిన రోజు సందర్భంగా ‘‘హ్యాపీ బర్త్ డే టు మై డియరిస్ట్ బ్రదర్.. హార్డ్ వర్కింగ్ లీడర్’’ అంటూ… రామ్ చరణ్ ట్వీట్ చేశారు. దీనికి రిప్లై ఇస్తూ… ‘థ్యాంక్యూ బ్రదర్. ఆర్ఆర్ఆర్ సినిమాలో నీ నటన గురించి గొప్పగా చెప్తుంటే వింటున్నా. త్వరలో నీ సినిమా తప్పకుండా చూస్తా’నని బదులిచ్చాడు కేటీఆర్. ప్రస్తుతం ఈ రెండు ట్వీట్లు నెట్టింట వైరల్ అవుతున్నాయి. కేటీఆర్ రామ్ చరణ్ ఆర్ఆర్ఆర్ సినిమాతో పాటు.. రామ్ చరణ్ గురించి కీలక వ్యాఖ్యలు చేయడంతో మెగా అభిమానులు ఆనందం వ్యక్తం చేస్తున్నారు. మరోవైపు ఆర్ఆర్ఆర్ సినిమా ఆస్కార్ అవార్డు రేసులో కూడా నిలిచింది. ఈసారి మనకు ఆస్కార్ అవార్డు కచ్చితంగా వస్తుందని పలువురు అంచనా వేస్తున్నారు.
Thanks Brother 🙏
Been hearing rave reviews on your performance in RRR. Will finally watch it soon https://t.co/8F4k7Q48gg
— KTR (@KTRTRS) July 24, 2022
