follow us:
మనిషి బతకడానికి నీరు, గాలి, ఆహారం అవసరం. ప్రపంచవ్యాప్తంగా ఎందరో ఆకలితో అలమటిస్తున్నారు. ఓ వైపు ధనికులు ఆహారం ఎక్కువయ్యి వృథా చేస్తుంటే మరోవైపు పేదలు.. నాలుగు మెతుకుల కోసం నలుదిక్కులా గాలిస్తున్నారు. ఇక మనిషి ఎంత సంపాదించినా.. తినేది పట్టెడన్నం మాత్రమే. అయితే ఆహారం తీసుకునే విషయంలో కొందరికి విచిత్ర అలవాట్లు ఉంటాయి. గతంలో ఇలాంటి వార్తలు అనేకం చూశాం. కొందరికి అన్నం రుచించదు.. కేవలం టీ నీళ్లతోనే జీవిస్తారు. గతంలో ఓ కుర్రాడు ఆకలికి తాళలేక.. మట్టి తింటున్నాడు అనే వార్త కూడా చదివాం. ఇప్పుడు చదవబోయే వార్త కూడా ఈ కోవలోకి వచ్చేదే. ఓ వ్యక్తి గత 40 ఏళ్లుగా ఇసుక తింటున్నాడు.
చదవగానే.. మన పంటి కింద రాయి తగిలిన భావన కలిగింది కదా. మరి ఆ వ్యక్తి ఏకంగా ఇసుకునే పరపరా నమేలుస్తున్నాడు. ఎందుకిలా అంటే.. ఇది చదవండి. ఉత్తరప్రదేశ్‌, అరంగాపూర్‌కు చెందిన హరిలాల్‌ సక్సెనా అనే వ్యక్తికి ఈ విచిత్ర అలవాటు ఉంది. గత 40 ఏళ్లుగా ఆహారం తీసుకున్న తర్వాత కానీ.. దాని కన్నా ముందుకానీ.. పిడికెడు ఇసుక తినే అలవాటు ఉంది. చిన్నప్పుడు నది దగ్గరకు వెళ్లి ఇసుకు తినేవాడట. ఆ అలవాటు అలా పెరుగుతూ వస్తోంది. ఇప్పుడు రోజు నిత్యం గుప్పెడు ఇసుక తినందే అతడికి తోచదట. ఇక వర్షాకాలం రావడానికి ముందగానే.. ఇంట్లో భారీగా ఇసుక నిల్వ చేసుకుంటానని హరిలాల్‌ తెలిపాడు.
ఇది కూడా చదవండి: Uttar Pradesh: పెంపుడు కుక్కల పెళ్లికి తరలి వచ్చిన బంధువులు.. 500 మందితో ఊరేగింపు!
ఈ సందర్భంగా హరిలాల్‌ మాట్లాడుతూ.. ‘‘ఎలా అలవాటయ్యిందో తెలియదు కానీ.. గత 40 ఏళ్ల నుంచి ఇలా ఇసుక తింటూనే ఉన్నాను. ప్రారంభంలో విపరీతంగా తినేవాడిని.. ఇప్పుడు కాస్త తగ్గించాను. ఇసుక తిన్న తర్వాత కాస్త ఇబ్బందిగా ఉంటుంది.. ఆ తర్వాత అదే సర్దుకుంటుంది. ఇసుక తినడం వల్ల ఇప్పటి వరకు నాకు ఎలాంటి ఆరోగ్య సమస్యలు తలెత్తలేదు. బాగానే ఉన్నాను’’ అని చెప్పుకొచ్చాడు.
ఇది కూడా చదవండి: Uttar Pradesh: ఫోటో గ్రాఫర్ రాలేదని పెళ్లి క్యాన్సిల్ చేసుకున్న వధువు!
హరిలాల్‌ సక్సెనా 10 ఏళ్ల క్రితం ఉపాధి కోసం ఒడిషా వచ్చాడు. గంజాం జిల్లాలోని కీర్తిపూర్‌ గ్రామంలో భవన నిర్మాణ కార్మికుడిగా పని చేస్తున్నాడు. ప్రారంభంలో హరిలాల్‌ ఇలా ఇసుక తినడం చూసి.. చుట్టుపక్కల వారు ఆశ్చర్యపోయారట. తర్వాత అతడి అలవాటు గురించి తెలుసుకుని పట్టించుకోవడం మానేశారు. మరి హరిలాల్‌కున్న వింత అలవాటుపై మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: Alakh Pandey: యూట్యూబర్ సక్సెస్ స్టోరీ! కోట్ల జీతం ఇస్తామన్నా వద్దనుకున్నాడు!
