సీఐ కొడుకు బైక్ ఆపిన కానిస్టేబుల్‌! హెల్మెంట్ అడిగాడని దాడి!

CI

దేశంలో చట్టం ఎవరికైనా ఒక్కటే. కానీ.., కొందరు మాత్రం తమ వారు పదవుల్లోనో, పవర్ లోనో ఉంటే ఓవరాక్షన్ చేస్తుంటారు. వారి అధికారాన్ని అడ్డుపెట్టుకోని ఇష్టం మెచ్చినట్లు ప్రవర్తిస్తుంటారు. తాజాగా ఓ కానిస్టేబుల్ హెల్మెంట్ లేదని బైక్ పై వెళ్తున్న ఓ అధికారి కొడుకును ఆపినందుకు ఆ కుర్రాడు వీరంగం చేశాడు. ఈ ఘటన కరీంనగర్ జిల్లాలో చోటుచేసుకుంది.

ఇది కూడా చదవండి: 
నన్ను ఒంటరిగా వదిలేశారు! నటి సుధ ఎమోషనల్ కామెంట్స్!

కరీంనగర్‌ పట్టణంలో కొందరు యువకులు వేగంగా బైక్ పై వెళ్తు వీరంగం సృష్టించారు. పోలీస్ అని స్టికర్ ఉన్న బండిపై వెళ్తున్న ఈ యువకులను కలెక్టరేట్ సమీపంలో కానిస్టేబులు ఆపాడు. వారిని హెల్మెంట్ పెట్టుకోవాలని సూచించాడు. వారిలోని ఓ యువకుడు.. సీఐ కొడుకునే ఆపుతావా అంటూ నడిరోడ్డుపై కానిస్టేబుల్ తో వాగ్వాదానికి దిగాడు. అంతటితో ఆగక కానిస్టేబుల్ పై దాడి చేసేందుకు యత్నించాడు. నాకే రూల్స్ చెబుతావా అంటూ ఓ రేంజ్‌ లో హల్‌ చల్ చేశాడు. కానిస్టేబుల్ ను అసభ్యంగా తిడుతూ అక్కడ రచ్చ చేశాడు.

స్థానికులు ఆపేందుకు ప్రయత్నించిన ఆగలేదు సదరు యువకుడు. చివరకు పోలీసులు రంగ ప్రవేశం చేసి ఆ యువకుడి అదుపులోకి తీసుకున్నారు. యువకుడి పోలీస్టేషన్ కి తీసుకెళ్లి విచారిస్తే తెలిసింది.. ఆ మహానుభావుడు ఎవరో కాదు ఓ సీఐ పుత్రరత్నం అని. ఈ వ్యవహారం ఇప్పుడు కరీంనగర్‌ లో చర్చనీయాంశంగా మారింది. మరి.. ఈఘటనపై మీ అభిప్రాయాలను కామెంట్స్ రూపంలో తెలియజేయండి.