follow us:
అగ్నిపథ్ ఆందోళనలు సికింద్రాబాద్‌ రైల్వే స్టేషన్‌ను తాకాయి. వందల మంది ఆర్మీ అభ్యర్థులు సికింద్రాబాద్‌ రైల్వే స్టేషన్లో విధ్వంసానికి దిగారు. మొదట రైల్వే స్టేషన్‌ బయట ఉన్న ఆర్టీసీ బస్సులను ధ్వంసం చేసిన ఆర్మీ అభ్యర్థులు. తర్వాత రైల్వే స్టేషన్‌లోకి చొచ్చుకెళ్లారు. ఫ్లాట్‌ఫామ్‌ మీద ఉన్న రైళ్లపై రాళ్ల దాడి చేశారు. అనంతరం అక్కడ ఉన్న రైళ్లు, స్టాళ్లను తగలబెట్టారు. దీంతో రైల్వే స్టేషన్‌ లోపల తీవ్ర ఉద్రిక్తత చోటుచేసుకుంది. అక్కడకు చేరుకున్న పోలీసులు పరిస్థితుల్ని అదుపులోకి తెచ్చే ప్రయత్నం చేస్తున్నారు. ఆర్మీ అభ్యర్థుల ఆందోళన నేపథ్యంలో రైల్వే అధికారులు పలు రైళ్లను రద్దు చేశారు. మరి కొన్ని రైళ్ల రాకపోకలను నిలిపివేశారు.
కాగా, సైన్యంలో చేరి దేశానికి సేవ చేయాలని చాలామంది యువకులు భావిస్తుంటారు. అయితే అందరికి ఆ అవకాశం రాదు. ఈ క్రమంలోనే కేంద్ర ప్రభుత్వం ఓ ప్రతిష్టాత్మక పథకాన్ని ముందుకు తీసుకువచ్చింది. దీని వల్ల రెండు ప్రయోజనాలు ఉంటాయని భావించింది. ఒకటి నిరుద్యోగులకు ఉపాధి కల్పించడమే కాక.. వారికి దేశానికి సేవ చేసే అవకాశం కూడా ఒకేసారి లభించడం. ఈ రెండు ప్రధానాంశాలుగా కేంద్ర ప్రభుత్వం అగ్నిపథ్ అనే పథకాన్ని తీసుకువచ్చింది. దీని ద్వారా యువకులు త్రివిద దళాల్లో చేరి.. నాలుగేళ్ల పాటు బాధ్యతలు నిర్వహించవచ్చు. ఆ తర్వాత వారిలో 25 శాతం మందిని మాత్రమే సర్వీసుల్లో కొనసాగిస్తారు. మిగతవారిని తిరిగి పంపిచేస్తారు. ఈ పథకాన్ని కేంద్ర ప్రభుత్వం ఎంతో అద్భుతమైనదిగా భావించినప్పటికి.. వాస్తవంగా మాత్రం అందుకు విరుద్ధమైన పరిస్థితులు కనిపిస్తున్నాయి.
అగ్నిపథ్ పూర్తి వివరాల కోసం : Agnipath: అగ్నిపథ్ ప‌థకంపై దేశ వ్యాప్తంగా నిరసనలు! కారణం?
Protests against the #AgnipathRecruitmentScheme reach Secunderabad railway station in Telangana pic.twitter.com/NZyQYP5NrX
— Asianet Newsable (@AsianetNewsEN) June 17, 2022
Protests against #Agnipath scheme at Secunderabad railway station on Friday. #Hyderabad pic.twitter.com/8HEO0DGtT4
— Rahul Devulapalli (@rahulscribe) June 17, 2022
Protests break out at Secunderabad railway station allegedly by army applicants against #AgnipathRecruitmentScheme. A bogie was set on fire and property was vandalised. Railway officials say situation under control. Damage yet to be assessed. #Agniveer #Agnipath #AgnipathScheme pic.twitter.com/W6kUilQIrc
— Paul Oommen (@Paul_Oommen) June 17, 2022
