MS Dhoni: IPL తర్వాత సినిమాల్లోకి ధోని! హీరోయిన్‌గా నయనతార

ఇండియన్‌ క్రికెట్‌లో తిరుగులేని పాపులారిటీని సాధించిన టీమిండియా మాజీ కెప్టెన్‌ ఎంఎస్‌ ధోని సినిమా ఇండస్ట్రీలో అడుగుపెట్టబోతున్నాడు. నిజానికి ధోనికి ప్రపంచ వ్యాప్తంగా కోట్లలో అభిమానులు ఉన్నారు. ఐపీఎల్‌ ఆరంభం నుంచి ధోని చెన్నై సూపర్‌ కింగ్స్‌ జట్టును నడిపిస్తుండడంతో తమిళనాడులో ధోని భీకరమైన ఫ్యాన్‌ బేస్‌ ఉంది. ఈ క్రమంలోనే కోలివుడ్‌లోకి ధోనీ ఎంట్రీ ఇవ్వనున్నట్లు తెలుస్తోంది. లేడీ సూపర్ స్టార్ నయనతార లీడ్ రోల్‌లో ఓ తమిళ చిత్రం నిర్మించే యోచనలో ధోనీ ఉన్నాడని కోలివుడ్ వర్గాలు పేర్కొన్నాయి. ఐపీఎల్ 2022 సీజన్ ముగిసిన అనంతరం ఈ మూవీపై అధికారిక ప్రకటన వచ్చే అవకాశం ఉంది.

ఎంఎస్ ధోనీ జీవిత కథ ఆధారంగా తెరకెక్కిన ఎంఎస్ ధోనీ- ది అన్‌టోల్డ్ స్టోరీ బాక్సాఫిస్ వద్ద కలెక్షన్ల సునామీ సృష్టించిన విషయం తెలిసిందే. పలు భాషల్లో దేశవ్యాప్తంగా విడుదలైన ఈ సినిమాకు ప్రజల నుంచి మంచి ఆదరణ లభించింది. దివంగత హీరో సుశాంత్ సింగ్ రాజ్‌పుత్ ధోనీ పాత్రను పోషించగా.. దిషా పటాని, కైరా అద్వానీ అతని సతీమణి, ప్రియురాలి పాత్రలను పోషించారు. ఇక నయనతార ప్రస్తుతం షారుఖ్ ఖాన్‌‌ హీరోగా తెరకెక్కుతున్న బాలీవుడ్ మూవీలో నటిస్తోంది. ఈ సినిమాకు అట్లీ దర్శకత్వం వహిస్తున్నాడు. ఈ మూవీతో పాటు పలు తమిళ చిత్రాలతోనూ నయనతార బిజీగా ఉంది. ఈ మూవీ తర్వాత ధోని నిర్మించే సినిమాలో నటించనున్నట్లు సమాచారం. కాగా.. ధోని నిర్మాతగా కంటే హీరోగా చేస్తే ఇంకా బాగుంటుందని ఆయన ఫ్యాన్స్‌ సోషల్‌ మీడియాలో అభిప్రాయపడుతున్నారు. మరి ఈ విషయంలో మీ అభిప్రాయాలను కామెంట్ల రూపంలో తెలియజేయండి.

ఇదీ చదవండి: Maheesh Theekshana: CSK మిస్టరీ స్పిన్నర్ మహీశ్ తీక్షణ క్రికెట్ జర్నీ! వీడియో వైరల్