follow us:
పిల్లల మీద ప్రేమ కేవలం మనుషులకే కాదు, సృష్టిలో ఉన్న ప్రతీ జీవికీ ఉంటుంది. జంతువులు, పక్షులు వంటివి కూడా తమ పిల్లల పట్ల ప్రేమ, వాత్సల్యం కలిగి ఉంటాయి. ముఖ్యంగా మనుషులకి దగ్గరగా ఉండే కోతులకి తమ పిల్లల విషయంలో అత్యంత ప్రేమను కలిగి ఉంటాయి. అవి కూడా మనుషుల్లానే పిల్లల విషయంలో ఎమోషనల్ బాండ్ కలిగి ఉంటాయి. వాటికేమైనా అయితే అవి తట్టుకోలేవు. వాటి జోలికి వెళ్తే తాట తీస్తా నీ అయ్య అంటాయి. మనుషులనే తమ పిల్లల జోలికి రానివ్వని కోతులు, ఇక చిన్న చిన్న సమస్యలని రానిస్తాయా? వస్తే ఎక్కువ సేపు ఉండనిస్తాయా? తాజాగా ఒక కోతి.. తన పిల్ల కోతికి ప్రమాదం వస్తే డాక్టర్‌లా చికిత్స చేసి దాని ప్రాణాలు కాపాడింది. కోతి పిల్ల నోట్లో ఏదో పెట్టుకుని ఆడుకుంటుంది. అయితే అది సడన్‌గా గొంతులో ఇరుక్కుపోయింది. పాపం ఆ కోతి పిల్ల ఊపిరి ఆడక ఉక్కిరిబిక్కిరి అయ్యింది.
అది గమనించిన తల్లి కోతి, తన పిల్లని దగ్గరకు తీసుకుని హేమ్లిచ్ చేసింది. హేమ్లిచ్ అంటే శ్వాసనాళంలో ఇరుక్కున్న అడ్డంకిని తొలగించడానికి చేసే ప్రథమ చికిత్స విధానం. ఈ విధానాన్నే ఆ తల్లి కోతి అవలంభించింది. కోతి పిల్లను వెనక నుంచి పట్టుకుని పైకి, కిందకి ఊపింది. అలా కొద్దిసేపు ఊపిన తర్వాత కోతి పిల్ల గొంతులో ఇరుక్కున్నది బయటకు వచ్చింది. దీనికి సంబంధించిన వీడియో ప్రస్తుతం సోషల్‌ మీడియాలో వైరల్ అవుతుంది. ఈ వీడియోను చూసిన నెటిజన్లు భావోద్వేగానికి గురవుతున్నారు. తన పిల్ల అంటే ఆ తల్లికి ఎంత ప్రేమో అని కొందరు, ఈ కోతి చాలా తెలివైందని మరి కొందరు కామెంట్స్ చేస్తున్నారు. పిల్లలకి ఏమైనా అయితే మనుషులే కాదు, కోతులు కూడా తట్టుకోలేవు. తల్లి ఎక్కడైనా తల్లే. తల్లి ప్రేమ ఎక్కడైనా తల్లి ప్రేమే. మరి తన పిల్లను ప్రమాదం నుండి కాపాడిన ఈ కోతిపై మీ అభిప్రాయమేంటో కామెంట్‌ రూపంలో తెలియజేయండి.
A mother monkey who saves her baby with the Heimlich Maneuver…. 💕❤️pic.twitter.com/Hv4C6EAxcv
— Figen (@TheFigen) July 25, 2022
