follow us:
Viral Video: అడవి జంతువులు సామాన్య జనంపై దాడి చేసిన ఘటనలు చాలానే చోటుచేసుకున్నాయి. అడవి జంతువుల కారణంగా ప్రతీ ఏటా వందలాది మంది ప్రాణాలు కోల్పోతున్నారు. ఉత్తర భారత దేశంలో ఇలాంటి ఘటనలు సర్వ సాధారణంగా జరుగుతుంటాయి. తాజాగా, ఓ చిరుత అటవీ శాఖ అధికారులు, పోలీసులపై దాడి చేసింది. ఒకరి తర్వాత ఒకరిపైకి దూకి గాయపర్చింది. ఈ సంఘటన హర్యానాలో చోటుచేసుకుంది. వివరాల్లోకి వెళితే.. కొద్దిరోజుల క్రితం హర్యానాలోని బెహ్రామ్‌పుర్‌ అనే గ్రామంలోకి చిరుత పులి చొరబడింది. సమాచారం అందుకున్న పోలీసులు, అటవీ శాఖ అధికారులు అక్కడకు చేరుకున్నారు. చిరుత పులిని బంధించేందుకు ప్రయత్నాలు మొదలుపెట్టారు. ఈ నేపథ్యంలో చిరుత పులి వారిపై దాడి చేసింది. ఒకరి తర్వాత ఒకరిపైకి ఎగిరి గాయపర్చింది.
పోలీసులు కర్రలతో దాన్ని తరిమి కట్టే ప్రయత్నం చేశారు. ఎట్టకేలకు దాన్ని అక్కడినుంచి వెళ్లగొట్టారు. చిరుత పులి అధికారులపై దాడి చేస్తున్న దృశ్యాల వీడియోను పోలీస్‌ అధికారి శశాంక్‌ కుమార్‌ శవాన్‌ తన ట్విటర్‌ ఖాతాలో షేర్‌ చేశారు. ‘‘ పోలీసులు, అటవీ అధికారులు, ప్రజలకు చాలా కఠినమైనరోజు. వారిలో కొంతమంది గాయపడ్డారు. చిరుతను ఎదుర్కొన్న వారి ధైర్య సాహసాలకు సెల్యూట్‌.. ఈ ఘటనలో చిరుత పులితో సహా ఎవ్వరికీ ఏమీ కాలేదు’’ అని పేర్కొన్నారు. ప్రస్తుతం ఈ వీడియో సోషల్‌ మీడియాలో వైరల్‌గా మారింది. మరి, ఈ వీడియోపై మీ అభిప్రాయాలను కామెంట్ల రూపంలో తెలియజేయండి.
Tough day at work for people from police and forest dept.. A couple of them suffered injuries..Salute to their bravery and courage..In the end, everyone is safe..Including the leopard.. pic.twitter.com/wbP9UqBOsF
— Shashank Kumar Sawan (@shashanksawan) May 8, 2022
ఇవి కూడా చదవండి : Viral Video: వీడు మగాడ్రా బుజ్జి.. కర్రతో సింహాన్ని పరుగులు పెట్టించాడు!
