follow us:
మన దగ్గర అప్పుడప్పుడు వేప చెట్టు నుంచి పాలు కారడం, వినాయకుడు విగ్రహం పాలు తాగడం వంటి వింతలు చోటు చేసుకోవడం చూస్తుంటాం. ఇలాంటి సంఘటనల గురించి విన్నప్పుడు వెంటనే మనకు బ్రహ్మంగారి కాలజ్ఞానం గుర్తుకు వస్తుంది. భూమి అంతం అయిపోతుందనే మాట కూడా వినిపిస్తుంది. ఈ కోవకు చెందిన వింత సంఘటన ఒకటి తాజాగా వెలుగులోకి వచ్చింది. దీని గురించి తెలిసిన వారంతా ఇదేం విడ్డూరం అంటూ ఆశ్చర్యపోతున్నారు. ఇంతకు ఆ వింత సంఘటన ఏంటంటే.. చెట్టు నుంచి రక్తం కారుతుంది. చెట్టు నుంచి రక్తం కారడం ఏంటని ఆశ్చర్యపోతున్నారా.. ఇది చదవండి. సాధారణంగా ఏదైనా చెట్టు లేదా మొక్కను కోస్తే తెల్లని పదార్థం లేదా నీరు, జిగురులాంటి పదార్థం వస్తుందనే సంగతి తెలిసిందే. అయితే, ఈ చెట్టును కొడితే మాత్రం రక్తం.. ప్రవాహంలా కారిపోతోంది. అదేం చిత్రం.. అలా ఎందుకు జరుగుతోందో తెలియాలంటూ ఈ డ్రాగన్ బ్లడ్ ట్రీ గురించి తెలుసుకోవల్సిందే.
ఈ డ్రాగన్ బ్లడ్ ట్రీ నుంచి రక్తం కారడాన్ని చూసి చాలామంది.. దాన్ని దెయ్యాల చెట్టుగా భావించేవారు. ఆ చెట్టును ముట్టుకుంటే చనిపోతారని చెప్పేవారు. దీంతో చాలామంది ఆ చెట్టును ముట్టుకోలేదు. అయితే, మరికొందరు మాత్రం అలాంటి చెట్లు తమ ప్రాంతంలో ఉండటం ప్రమాదకరమనే ప్రచారం చేశారు. దీంతో చాలామంది ఆ చెట్లను కొట్టేశారు. ఫలితంగా ఆ చెట్లు అరుదైన వృక్ష జాతుల్లో ఒకటిగా మిగిలిపోయాయి.
ఇది కూడా చదవండి: Uttar Pradesh: ఫోటో గ్రాఫర్ రాలేదని పెళ్లి క్యాన్సిల్ చేసుకున్న వధువు!
ఇంతకు అది రక్తమేనా..
ఎర్రగా ఉండే ద్రవాలన్నీ రక్తం కాదనే సంగతి మనకు తెలిసిందే. కానీ, ఆ చెట్టు నుంచి వచ్చే ఎర్రని ద్రవాన్ని చూస్తే మీరూ అదే అనుకుంటారు. వామ్మో.. చెట్టేంటి రక్తం కారుస్తుందని అంటారు. వాస్తవానికి ఆ చెట్టు నుంచి వచ్చేది రక్తం కాదు. అది ఆ చెట్టులో ఉండే ఎర్రటి జిగురు. అయితే, అది ఎక్కువ పలుచగా ఉండటం వల్ల.. కత్తిరించగానే రక్తంలా కారుతుంది. శాస్త్రీయంగా దీన్ని డ్రాసేనా సిన్నాబెర్రా (Dracaena cinnabari) అని పిలుస్తారు. ఈ చెట్టు అరేబియా సముద్రంలో యెమెన్ తీరంలో సోకోట్రా ద్వీపసమూహంలో మాత్రమే పెరుగుతుంది.
ఔషద గుణాలు మెండు..
‘డ్రాగన్ బ్లడ్ ట్రీ’లో ఎన్నో ఔషద గుణాలు ఉన్నాయట. పూర్వికులు దీన్ని ‘సిన్నబార్’ అని పిలిచేవారట. క్రీస్తు శకం 60వ శతాబ్దం నుంచి ఈ చెట్టుతో అనేక వ్యాపారాలు చేసేవారట. ఈ చెట్టు నుంచి వచ్చే సహజమైన ఎరుపు జిగురును లిప్‌స్టిక్, వయోలిన్ వార్నిష్‌ల కోసం ఉపయోగించేవారు. ఈ చెట్టు 18 మీటర్లు (60 అడుగులు) కంటే ఎక్కువ పొడవు, 6 మీటర్లు (20 అడుగులు) వెడల్పుతో పెరుగుతుంది. ఇది 650 సంవత్సరాల వరకు జీవించగలదు. డ్రాగన్ చెట్ల కొమ్మలు ఒక పెద్ద పుట్టగొడుగు లేదా గాలి గొడుకు తరహాలో ఉంటాయి.
ఇది కూడా చదవండి: Abdul Sattar Success Story: డెలివరీ బాయ్‌ టు సాఫ్ట్‌వేర్‌ ఇంజినీర్‌.. కష్టాలనుంచి విజయం…
ఈ చెట్టు నుంచి విడుదలయ్యే ఎరుపు రసాన్ని లేదా రెసిన్‌ను డ్రాగన్ రక్తం అని పిలుస్తారు. మీరు ఈ చెట్టును కత్తిరించినట్లయితే ఎర్రటి రెసిన్ బయటకు వస్తుంది. ఇది రక్తస్రావం తరహాలోనే ఉంటుంది. అంతేకాదు ఈ చెట్టుకు కాసే పండ్లు కూడా చాలా విలువైనవి. వాటిని ‘డ్రాగన్ బ్లడ్ ట్రీ బెర్రీస్’ అంటారు. పశువులను ఆరోగ్యంగా ఉంచేందుకు ఈ బెర్రీలు ఉపయోగపడతాయట. ప్రస్తుతం ఈ జాతి చెట్లు ప్రమాదంలో ఉన్నాయి. వాతావరణ మార్పుల వల్ల ఈ చెట్లు క్రమేనా అంతరించిపోతున్నాయి. ఇప్పుడు పెరుగుతున్న చెట్లు గొడుగు ఆకారంలో ఉండటం లేదు.
ప్రస్తుతం అంతరించి పోయే స్థితిలో..
2008లో ఈ చెట్లు పెరుగుతున్న సోకోత్రా ద్వీపసమూహ ప్రాంతాన్ని యునెస్కో ప్రపంచ వారసత్వ ప్రదేశంగా ప్రకటించింది. కానీ, ఈ ప్రాంతంలోని చెట్లు దాదాపు ఎండిపోతున్న పరిస్థితిలో ఉన్నాయి. గ్లోబల్ ట్రీస్ నివేదికల ప్రకారం.. డ్రాగన్ బ్లడ్ చెట్టు 2080 నాటికి 45% వరకు నశించిపోయే అవకాశం ఉంది. స్కుండ్ నేచర్ అభయారణ్యం విస్తరించినట్లయితే ఈ చెట్లు మరింత కాలం జీవించే అవకాశం ఉంది. లేకపోతే ఈ రక్తం కారే చెట్టు గురించి పుస్తకాల్లో చదువుకోవలసి వస్తుంది. మరి ఈ వింత చెట్టు గురించి మీ అభిప్రాయాలను కామెంట్స్‌ రూపంలో తెలియజేయండి.
ఇది కూడా చదవండి: Video: పాపం ఎంగేజ్ మెంట్ రోజే అల్లరిపాలయ్యాడు..!
