follow us:
Viral Video: ఈ మధ్యకాలంలో జనం చిన్న చిన్న విషయాలకు భయపడిపోవటం ఎక్కువయిపోయింది. భయపడటానికి ఎలాంటి ఆస్కారం లేకున్నా కూడా ఏదో ఊహించుకుని భయపడిపోతున్నారు. తెనాలి సినిమాలో కమల్‌ హాసన్‌ ప్రతీ దానికి భయపడిపోయినట్లు.. జనం భయపడిపోతున్నారు. తాజాగా, భయానికి పరాకాష్టగా నిలిచే ఓ సంఘటన చోటుచేసుకుంది. రోడ్డుపై జాగింగ్‌ చేసుకుంటూ వెళుతున్న వారిని చూసి హోటల్‌లోని కస్టమర్లు పరుగులు తీశారు. ఈ సంఘటన బ్రెజిల్‌లో చోటుచేసుకుంది. ఇంతకీ ఏం జరిగిందంటే.. బ్రెజిల్‌లోని చెర్‌వెజారియా అల్ఫ్‌ఏయిటే బార్‌ అండ్‌ రెస్టారెంట్‌కు వచ్చిన కొంతమంది కస్టమర్లు పుట్‌పాత్‌పై వేసిన టేబుళ్ల దగ్గర కూర్చుని ఉన్నారు.
తమకు నచ్చిన పదార్థాల్ని ఆర్డర్‌ చేసుకుని తింటూ, తాగుతూ ఎంజాయ్‌ చేస్తున్నారు. ఈ నేపథ్యంలోనే కొంతమంది జాగింగ్‌ చేసుకుంటూ అక్కడి పుట్‌పాత్‌పై.. కస్టమర్ల మధ్య నుంచి ముందుకు వెళ్లిపోయారు. అది చూసిన ఓ ఇద్దరు భయపడిపోయారు. ఏం జరుగుతోంది? ఎందుకు వాళ్లు అలా పరిగెత్తుతున్నారు? అని ఆలోచించకుండా వారి వెనకాలే పరుగులు తీశారు. వారిని చూసిన ఇంకొంతమంది కూడా అక్కడినుంచి పరుగులు తీశారు. అలా రెస్టారెంట్‌కు వచ్చిన వారంతా ఏం జరుగుతోందో కూడా తెలియకుండా? ఎందుకు పరిగెత్తుతున్నామో కూడా తెలియకుండా? ఇష్టం వచ్చినట్లు..
అడ్డదిడ్డంగా పరుగులు తీస్తూ అక్కడినుంచి వెళ్లిపోయారు. తింటున్న వారు కూడా సగం మధ్యలోనే వాటిని వదిలేసి పరుగులు తీశారు. ఇందుకు సంబంధించిన వీడియోను సైన్స్‌ గర్ల్‌ అనే ట్విటర్‌ ఖాతాదారిణి తన ఖాతాలో షేర్‌ చేసింది. ప్రస్తుతం ఆ వీడియో సోషల్‌మీడియలో వైరల్‌గా మారింది. దీనిపై స్పందిస్తున్న నెటిజన్లు.. ‘‘ ఇదే.. భయానికి పరాకాష్ట’’.. ‘‘ భయపడే వాళ్లు ఉంటే.. పిల్లి కూడా భయపెడుతుంది’’.. ‘‘ భయం ఉండొచ్చు కానీ, మరీ ఇంత భయమా’’.. ‘‘ ఓరి దేవుడా! నేను చూసిన ఫన్నీ వీడియోల్లో ఇదే పెద్ద ఫన్నీ వీడియో’’ అంటూ కామెంట్లు చేస్తున్నారు.
A group of people doing CrossFit ran passed a restaurant
Dozens of diners thought they were escaping from something and abandoned their tables to run off too. This happened in Brazil 1/🧵pic.twitter.com/7lmpt2zHY7
— Science girl (@gunsnrosesgirl3) September 25, 2022
ఇవి కూడా చదవండి : బతుకమ్మ ఆడిన KA. పాల్.. వీడియో వైరల్!
