ఓ వృద్దురాలు పెన్షన్‌ డబ్బుల కోసం మండు టెండలో చెప్పుల్లేకుండా నడవటం అందరినీ కదిలించి వేసింది. ఇందుకు సంబంధించిన ఓ వీడియో సోషల్‌ మీడియాలో వైరల్‌గా మారింది.
దేశ వ్యాప్తంగా కొన్ని కోట్ల మంది వృద్ధులకు ‘వృద్దాప్య పెన్షన్లు’ ఎంతో ఆసరాగా నిలుస్తున్నాయి. మలి వయసులో సంపాదన లేదని బాధపడే వారికి, చిన్నా చితక ఖర్చులకు ఇంట్లో వాళ్ల దగ్గర చెయ్యి చాచటానికి ఇబ్బంది పడేవారికి పెన్షన్లు నిజంగా ఓ వరంగా మారాయి. రాష్ట్ర ప్రభుత్వాలు 2నుంచి 3 వేల రూపాయల పెన్షన్లు ప్రతీ నెలా ముసలివారికి అందిస్తున్నాయి. అయితే, టెక్నాలజీ కారణంగా కొన్ని సార్లు పెన్షన్‌ అందటంలో సమస్యలు తలెత్తుతున్నాయి. ముఖ్యంగా బయోమెట్రిక్‌ విధానాల కారణంగా కొంతమంది ముసలివాళ్లు చాలా ఇబ్బందిపడుతున్నారు.
ముసలి తనంలో చేతి వేళ్లు పాడవటం.. దాని వల్ల థంబ్‌ ఇంప్రెషన్‌ సరిగా పడకపోవటం జరుగుతోంది. తద్వారా పెన్షన్‌ తీసుకోవటం కోసం రెండు, మూడు సార్లు.. బ్యాంకులు లేదా పెన్షన్‌ ఇచ్చే అధికారుల చుట్టూ తిరగాల్సి వస్తోంది. తాజాగా, ఒరిస్సాకు చెందిన సూర్య హరిజన్‌ అనే ఓ 70 ఏళ్ల వృద్ధురాలు పెన్షన్‌ తీసుకోవటం కోసం మండు టెండలో చెప్పులేకుండా ప్రయాణం చేసింది. నడవటానికి కూడా ఇబ్బందిపడుతున్న ఆమె విరిగిపోయిన కుర్చీ సాయంతో పెన్షన్‌ కోసం బ్యాంకు దగ్గరకు వెళ్లింది.
కుర్చీ సాయంతో ఒక్కో అడుగు భారంగా ముందుకు వేస్తూ ఆమె నడుస్తున్న దృశ్యాలకు సంబంధించిన ఓ వీడియో ప్రస్తుతం సోషల్‌ మీడియాలో వైరల్‌గా మారింది. ఆమె పడుతున్న కష్టాలను చూసి నెటిజన్లు చలించిపోయారు. వీడియోపై కామెంట్లు చేస్తూ బ్యాంకు అధికారులపై మండిపడటం మొదలుపెట్టారు. ఈ నేపథ్యంలోనే సదరు బ్యాంకు అధికారులు స్పందించారు. బ్యాంకు మేనేజర్‌ మాట్లాడుతూ.. ‘‘ ఆమె చేతి వేళ్లు పాడయ్యాయి. అందువల్ల డబ్బు విత్‌డ్రా చేసుకోవటం సమస్యగా మారింది.
అయినప్పటికి మేము మామూలు పద్దతిలో ఆమెకు 3 వేల రూపాయలు ఇచ్చాము. త్వరలో ఆమె ఎదుర్కొంటున్న సమస్యను పరిష్కరిస్తాం’’ అని తెలిపారు. ఇక, వైరల్‌గా మారిన ఈ వీడియోపై మరో ప్రచారం జరుగుతోంది. ఆమె పెన్షన్‌ డబ్బుల కోసం బ్యాంకు దగ్గరకు వెళ్లటం లేదని, కూతురి దగ్గరకు వెళుతోందని ఓ నెటిజన్‌ కామెంట్‌ చేసింది. మరి, వైరల్‌గా మారిన ఈ వీడియోపై మీ అభిప్రాయాలను కామెంట్ల రూపంలో తెలియజేయండి.
#WATCH | A senior citizen, Surya Harijan walks many kilometers barefoot with the support of a broken chair to reach a bank to collect her pension in Odisha’s Jharigaon
SBI manager Jharigaon branch says, “Her fingers are broken, so she is facing trouble withdrawing money. We’ll… pic.twitter.com/Hf9exSd0F0
— ANI (@ANI) April 20, 2023
