follow us:
నిరుద్యోగులకు టీఎస్‌ఆర్టీసీ గుడ్ న్యూస్ చెప్పింది. నిరుద్యోగ యువతకు బస్ పాస్‌లపై డిస్కౌంట్ ప్రకటించింది. పోటీ పరీక్షలకు సిద్దమవుతున్న నిరుద్యోగ యువతకు చేయూత అందించేందకు ఈ నిర్ణయం తీసుకున్నట్టుగా తెలిపింది. సిటీ ఆర్డినరీ, మెట్రో ఎక్స్‌ప్రెస్ పాస్‌లపై 20 శాతం డిస్కౌంట్ అందించనున్నట్టుగా పేర్కొంది.
తెలంగాణలో 17,291 పోస్టుల పోలీస్ ఉద్యాగాలకు, 503 గ్రూప్-1 ఉద్యోగాల భ‌ర్తీకి నోటిఫికేష‌న్లు వెలువ‌డిన సంగ‌తి తెలిసిందే. ఈ నేపథ్యంలో నిరుద్యోగులు కోచింగ్ తీసుకునేందుకు గ్రామాలు, ప‌ట్ట‌ణాల నుంచి హైద‌రాబాద్‌కు చేరుకుంటున్నారు. ఈ క్ర‌మంలో ఉద్యోగార్థుల సౌక‌ర్యార్థం టీఎస్ ఆర్టీసీ బంప‌రాఫ‌ర్ ప్రకటించింది. న‌గ‌రంలో కోచింగ్ తీసుకునే వారి కోసం బస్ పాసుల్లో 20 శాతం రాయితీ క‌ల్పిస్తూ ప్ర‌క‌ట‌న జారీ చేసింది. ఉద్యోగార్థుల కోసం జీబీటీ ఆర్డినరీ, జీబీటీ మెట్రో ఎక్స్‌ప్రెస్ పాసుల‌పై ఆర్టీసీ రాయితీ ప్రకటించింది. జీబీటీ ఆర్డినరీ పాసును రూ. 2,800ల‌కు, జీబీటీ మెట్రో ఎక్స్‌ప్రెస్ పాస్‌ను రూ. 3,200ల‌కు అందించ‌నున్నారు.
TSRTC is happy to announce 2 new bus passes for the unemployed youth attending training classes for competitive exams in #Telangana with a discount of 20%. #TSRTC wishes you all the very best and bright future ahead @TSRTCHQ @baraju_SuperHit @TV9Telugu @sakshinews#TSRTCNewPass pic.twitter.com/DQUfiRmlpl
— V.C Sajjanar IPS MD TSRTC Office (@tsrtcmdoffice) April 30, 2022
ఇది కూడా చదవండి: Dog Stolen: విశ్వాసం లేని కుక్క.. యజమాని ఇంటి నుంచి రూ.1.5 లక్షలు ఎత్తుకెళ్లింది!
శ‌నివారం(ఏప్రిల్ 30) నుంచి నగర ప‌రిధిలోని అన్ని బస్ పాస్ కేంద్రాల్లో ఈ పాస్‌లు తీసుకోవ‌చ్చని ఆర్టీసీ అధికారులు తెలిపారు. అయితే,.. బస్ పాస్ పొందాల‌నుకునే వారు ఆధార్ కార్డు, అన్ ఎంప్లాయ్‌మెంట్ రిజిస్ట్రేష‌న్ కార్డుతో పాటు కోచింగ్ సెంట‌ర్ ఐడీ కార్డును జ‌త‌ప‌రచాలని తెలిపారు.
