follow us:
ఈ మద్య కొన్ని వార్తలు సోషల్ మీడియాల్లో ఇట్టే వైరల్ అవుతున్నాయి. ఇలాంటిదే ఇప్పుడు హైదరాబాద్‌ ట్రాఫిక్ పోలీసులు.. వాహనదారుల పెండింగ్‌ చలాన్లపై 50 శాతం రాయితీ ఆఫర్‌ తీసుకొచ్చారనే వార్త సోషల్ మీడియాలో వైరల్‌గా మారింది. ఇంకేముంది ఈ వార్తను విపరీతంగా షేర్ చేస్తూ, లైక్‌లతో వైరల్ చేశారు. దసరా పండగ సందర్భంగా అక్టోబర్‌ 4వ తేదీ నుంచి 7వ తేదీ వరకు హైదరాబాద్‌లోని గోషామహల్‌ స్టేడియంలో ప్రత్యేక లోక్‌ అదాలత్‌ ద్వారా పెండింగ్‌ చలాన్లు చెల్లించవచ్చని కేటుగాళ్లు క్రియేట్‌ చేయడం ఈ వార్త సోషల్ మీడియాలో తెగ వైరల్ అయ్యింది.
ఒకటి కాదు రెండు కాదు ఏకంగా 50 శాతం రాయితీ అనగానే వాహనదారుల్లో తెగ ఉత్సాహం కలిగింది. తాజాగా హైదరాబాద్‌ పోలీసులు ఈ విషయమై స్పందించారు. దీనిపై ట్విట్టర్‌ వేదికగా.. ‘చలాన్లపై డిస్కౌంట్ అంటూ ఓ ఫేక్‌ వార్త వైరల్ అవుతోంది. ఈ వార్తను ఎట్టి పరిస్థితుల్లో నమ్మకండి, షేర్ చేయకండి. ఈ మెసేజ్‌ను ఫార్వర్డ్‌ చేసిన వారిపై చట్ట పరంగా చర్యలు తీసుకుంటాము’ అంటూ హెచ్చరికలు జారీ హైదరాబాద్‌ ట్రాఫిక్ పోలీసులు. ఒకప్పుడు రోడ్డుపై వాహనాలను ఆపి చలాన్లు వసూలు ట్రాపిక్ పోలీసులు వారి తీరు మార్చుకున్న విషయం తెలిసిందే.
ఇప్పుడంతా ఆన్‌లైన్‌ చలాన్‌ విధానం అందుబాటులోకి వచ్చింది. ట్రాఫిక్ నిబంధనలను ఉల్లంఘించిన వారికి చలాన్లు నేరుగా ఫోన్‌కు మెసేజ్‌ వస్తున్నాయి. చలాన్‌ల తాలుకూ మొత్తాన్ని ఆన్‌లైన్‌లో పేమెంట్‌ చేయాలని పోలీసులు చెబుతున్నారు. అయితే కొంతమంది చలాన్లు కడుతున్న మరికొంతమంది మాత్రం తప్పించుకు తిరుగుతున్నారు. ఒక్కో బండిపై 10 నుంచి 20 చలాన్లు.. ఆ మొత్తం వేలల్లో పడిన సందర్భాలు కూడా ఉన్నాయి.. ఈ నేపథ్యంలో వారికి భారీ డిస్కౌంట్ ప్రకటించారని వినగానే సంబరపడిపోయారు.. కానీ అంతలోనే ట్రాఫిక్ పోలీసుల వార్నింగ్ తో చల్లబడిపోయారు.
#HYDTPinfo
We noticed a message is going viral in SM informing that there will be Tr Lokadalath from 4-7th Oct. @HYDTP inform all the citizens that msg is Fake, don’t believe and not to spread. Legal action will be initiated against those who post or forward the below fake msg. pic.twitter.com/8Jvzjo7x9T— Hyderabad Traffic Police (@HYDTP) September 3, 2021
