మరోసారి పెద్దమనస్సు చాటుకున్న హిమాన్షు.. సుమారు కోటి రూపాయలు వెచ్చించి..

తెలంగాణ ముఖ్యమంత్రి కెసిఆర్ మనవడు, మంత్రి కెటిఆర్ తనయుడు కల్వకుంట్ల హిమాన్షు రావు మరోసారి గొప్ప మనసు చాటుకున్నాడు. చిన్నతనం నుంచే కష్టాల్లో ఉన్న వారిని ఆదుకునే అలవాటును అలవర్చుకున్నాడు. తన వల్ల సాధ్యమయ్యే సేవాకార్యక్రమాలను చేస్తూ ప్రశంసలు అందుకుంటున్నాడు. ఈ క్రమంలో హిమాన్షు రావు ఓ ప్రభుత్వ పాఠశాలను దత్తత తీసుకుని ఆధునీకరించాడు. పేద పిల్లలు చదువుకునే పాఠశాలను కార్పోరేట్ స్కూల్ స్థాయిలో అభివృద్ధి చేయించాడు. విద్యార్థులకు సౌకర్యవంతంగా ఉండే విధంగా పాఠశాలలో సకల సౌకర్యాలు ఏర్పాటు చేయించాడు. త్వరలో రాష్ట్ర విద్యాశాఖ మంత్రి చేతుల మీదుగా ప్రారంభించేందుకు ఏర్పాట్లు చేస్తున్నారు. దీనికి సంబంధించిన వివరాలు ఇలా ఉన్నాయి.

కల్వకుంట్ల హిమాన్షు రావు మరో గొప్ప పనికి శ్రీకారం చుట్టారు. గచ్చిబౌలి ప్రాంతంలోని కేశవా నగర్ లో ఉన్న ప్రభుత్వ ప్రాథమిక పాఠశాలను దత్తత తీసుకున్నాడు. సుమారు కోటి రూపాయలతో స్కూల్ ను ఆధునీకరించాడు. దీనికి సంబంధించిన విషయాన్ని హిమాన్షు రావు తన ట్విట్టర్ ఖాతాలో పంచుకున్నాడు. కాగా తను చదివిన పాఠశాలలో సిఎఎస్ అధ్యక్షుడిగా ఉన్న సమయంలో సేకరించిన నిధులతో ఈ పనులు ప్రారంభించాడు. తాను ఖాజాగూడలోని ఓ ప్రైవేట్ కార్పోరేట్ స్కూల్ లో చదివిన సమయంలో కేశవనగర్ లో ఉన్న ప్రభుత్వ ప్రాథమిక స్కూల్ ను సందర్శించేవాడు. ఆ సమయంలోనే ఆ స్కూల్ ను డెవలప్ చేయాలని నిర్ణయించుకున్నాడు. ఈ విషయంపై పాఠశాల ప్రధానోపాధ్యాయుడు రాములు యాదవ్ మాట్లాడుతూ.. సుమారు రూ. 80 లక్షల నుంచి కోటి రూపాయల వరకు వెచ్చించి పాఠశాలలో సకల వసతులు ఏర్పాటు చేశారని తెలిపారు. ఆ పాఠశాలను ఈనెల 12న హిమాన్షు పుట్టిన రోజు సందర్భంగా విద్యాశాఖ మంత్రి చేతుల మీదుగా ప్రారంభించనున్నారు. హిమాన్షు చేసిన ఈ గొప్ప పనికి పలువురు ప్రశంసలు కురిపిస్తున్నారు.

Renovated this govt primary school with the funds I raised in my school as the CAS president.

It is going to be inaugurated by our Hon’ble Education Minister @SabithaindraTRS Garu on the 12th of July🥰🥰

Would love to share the story behind this project soon! pic.twitter.com/sylJE3dUx0

— Himanshu Rao Kalvakuntla (@TheRealHimanshu) July 9, 2023