follow us:
అదే జోరు.. అదే హోరు.. టీమిండియా తన వరుస విజయయాత్రను కోనసాగిస్తూనే ఉంది. తాజాగా సౌతాఫ్రికాతో జరిగిన 2వ టీ20లో 16 పరుగులతో నెగ్గి సిరీస్ ను ఒక టీ20 మిగిలుండగానే కైవసం చేసుకుంది. భారీ స్కోర్లు నమోదైన ఈ మ్యాచ్ లో రెండు జట్లు కలిసి 458 పరుగులు చేయడం విశేషం. ఇక ఈ మ్యాచ్ లో టీమిండియా బ్యాటర్లు పలు రికార్డులను నెలకొల్పిన విషయం తెలిసిందే. ఇప్పటికే సూర్యకుమార్ ప్రపంచ రికార్డులను బద్దలు కొడుతూ.. దూసుకెళ్తున్నాడు. మరో వైపు కోహ్లీ కూడా ఎవరికీ సాధ్యం కానీ రికార్డును ఈ మ్యాచ్ లో బద్దలు కొట్టిన విషయం కూడా మనకు తెలిసిందే. తాజాగా ఈ జోడీ టీమిండియా మిస్టర్ కూల్ ధోని-కేఎల్ రాహుల్ ల రికార్డులను తిరగరాశారు. ఈ రికార్డు గురించి మరిన్ని వివరాల్లోకి వెళితే..
సూర్య కుమార్ యాదవ్ మాస్ బ్యాటింగ్ ఒక వైపు.. కోహ్లీ క్లాస్ బ్యాటింగ్ మరోవైపు. వీరిద్దరి ధాటికి ప్రపంచ రికార్డులు చిన్నబోయాయి. ఆదివారం తాజాగా జరిగిన మ్యాచ్ లో టీమిండియా మాజీ కెప్టెన్ ధోని-కేఎల్ రాహుల్ ల రికార్డును ఈ మ్యాచ్ లో కోహ్లీ-SKY జోడీ బద్దలు కొట్టారు. ఆ రికార్డు ఏంటంటే? 2016లో ధోని-రాహుల్ జంట వెస్టిండీస్ పై 49 బంతుల్లో 107 పరుగులు జోడించారు. ఇదే ఇప్పటి వరకు ఓ భారతీయ జోడీ టీ20ల్లో తక్కువ బంతుల్లో సెంచరీ భాగస్వామ్యాం. ఈ రికార్డును తాజాగా కోహ్లీ-సూర్య ల జోడీ బద్దలు కొట్టింది. ఈ జోడీ 42 బంతుల్లోనే 102 రన్స్ కొట్టింది. దాంతో ధోని-రాహుల్ రికార్డు కనుమరుగైపోయింది. వీరిద్దరి తర్వాత రోహిత్-కేఎల్ రాహుల్ కలిసి 76 బంతుల్లో 165 పరుగులు సాధించి మూడో స్థానంలో నిలిచారు.
ఈ క్రమంలోనే ఇప్పటికే ఈ మ్యాచ్ లో సూర్య కుమార్ ఒకే సంవత్సరంలో ఎక్కువ సిక్స్ లు, ఎక్కువ పరుగులు సాధించి రికార్డులు క్రీయేట్ చేసిన విషయం తెలిసిందే. ఈ మ్యాచ్ లో SKY కేవలం 22 బంతుల్లో 5 ఫోర్లు, 5 సిక్స్ లతో 61 పరుగుల థండర్ ఇన్నింగ్స్ ఆడాడు. అటు కోహ్లీ సైతం 28 బంతుల్లో 7 ఫోర్లు, సిక్స్ తో 49 రన్స్ తో అజేయంగా నిలిచాడు. దాంతో ప్రస్తుతం టీమిండియా జోరు చూస్తుంటే.. వచ్చే టీ20 ప్రపంచ కప్ సాధించడం పెద్ద కష్టమేమి కాదనిపిస్తోంది. ఇదే విషయాన్ని క్రీడానిపుణులు కూడా అభిప్రాయపడుతున్నారు. ఇక సూర్య కుమార్ యాదవ్ ను చూసి ప్రత్యర్థి జట్లు ఇప్పటికే వణికిపోతున్నాయి. ఇప్పటికే అతడిని నిలువరించడానికి అస్త్రశస్తాలను సిద్దం చేసుకుంటున్నాయి.
A stunning batting display from Team India in the second T20I vs South Africa 🔥👏#SuryakumarYadav #ViratKohli #DineshKarthik #INDVsSA #Cricket pic.twitter.com/GnBnhQuDSN
— Wisden India (@WisdenIndia) October 2, 2022
