T20 World Cup 2022: ఆస్ట్రేలియా జట్టులో సింగపూర్ క్రికెటర్ కు చోటు.. ఎవరీ టిమ్ డేవిడ్?

స్వదేశంలో జరగబోయే టీ20 వరల్డ్ కప్ 2022 టోర్నీకి జట్టును ప్రకటించింది క్రికెట్ ఆస్ట్రేలియా. డిఫెండింగ్ ఛాంపియన్ హోదాలో బరిలోకి దిగుతున్న ఆస్ట్రేలియా, ఈసారి రెగ్యులర్ జట్టులో ఒక సింగపూర్ క్రికెటర్ కు చోటు కల్పించింది. అసలు ఆ సింగపూర్ క్రికెటర్ ఎవరు? అతని బ్యాగ్రౌండ్‌ ఏంటి? అన్న విషయాలు ఇప్పుడు తెలుసుకుందాం..

ఆస్ట్రేలియా టీ20 ప్రపంచ కప్ జట్టులో చోటు దక్కించుకున్న సింగపూర్ ఆటగాడి పేరు.. టిమ్‌ డేవిడ్‌ (థిమోతీ హేస్ డేవిడ్). సింగపూర్‌ తరఫున 2019లో అంతర్జాతీయ క్రికెట్‌ లోకి అరంగేట్రం చేసిన టిమ్.. ఒక్క సింగపూర్‌ తరఫునే కాకుండా.. పలు టీ20 ఫ్రాంచైజీల తరఫున ఆడుతుంటాడు. కానీ, డేవిడ్ తల్లిదండ్రులు మాత్రం ఆస్ట్రేలియాకు చెందిన వారు. 1990ల్లో ఆస్ట్రేలియా నుంచి సింగపూర్‌ వచ్చిన టిమ్ కుటుంబం.. ఆ తర్వాత 1997 ఆసియా ఆర్థిక సంక్షోభం సమయంలో తిరిగి ఆస్ట్రేలియా వెళ్లిపోయారు( అప్పుడు టిమ్‌ కు రెండేళ్లు).

టిమ్‌ డేవిడ్‌ చిన్ననాటి నుంచి పెర్త్‌ లోనే పెరిగాడు. 2017-18 బిగ్‌ బ్యాష్‌ లీగ్‌ లో పెర్త్‌ స్కాచర్స్‌ తరఫున టీ20 అరంగేట్రం చేశాడు. ఆ తర్వాత జులై 2019లో సింగపూర్‌ క్రికెట్‌ టీమ్‌ తరఫున అంతర్జాతీయ క్రికెట్‌ లో అడుగుపెట్టాడు. ఖతార్‌ పై తన టీ20 డెబ్యూ మ్యాచ్‌ ఆడాడు. తన కెరీర్ లో ఇప్పటివరకు 14 టీ20 మ్యాచ్‌లు ఆడగా, అన్నీ సింగపూర్ తరపునే. ఈ 14 మ్యాచుల్లో 46.50 సగటుతో 558 పరుగులు చేశాడు. అందులోనూ స్ట్రైక్ రేట్‌ 158.5 గా ఉండడం విశేషం.

Will Tim David, picked in the squad, make Australia’s first XI at the T20 World Cup? https://t.co/h1If51CRoz pic.twitter.com/lpqWFjF4NU

— ESPNcricinfo (@ESPNcricinfo) September 1, 2022

ఇక.. ఐపీఎల్‌-2022లో టిమ్ డేవిడ్‌ ముంబై ఇండియన్స్ కు ప్రాతినిధ్యం వహించాడు. మెగా వేలంలో రూ. 8 కోట్లు పెట్టి మరీ అతన్ని సొంతం చేసుకుంది ముంబై జట్టు. అంతర్జాతీయ క్రికెట్‌లో డేవిడ్‌ను చాలా తక్కువ మందికి తెలుసు. అయితే.. ఫ్రాంచైజీ క్రికెట్ లో మాత్రం తాను బాగా ఫేమస్. ఐపీఎల్, బిగ్ బాష్ లీగ్, పాకిస్థాన్ సూపర్ లీగ్, టీ20 బ్లాస్ట్, ది హండ్రెడ్ వంటి అన్ని టోర్నీల్లోనూ ఆడుతుంటాడు. మిడిల్ ఆర్డర్ నుంచి ఫినిషర్ వరకు ఏ ప్లేస్ లోనైనా బ్యాటింగ్ చేయగలడు.చూడాలి మరి.. వరల్డ్ కప్ లో ఏ మేరకు రాణిస్తాడో అన్నది. ఒక సింగపూర్ క్రికెటర్ కు ఆస్ట్రేలియా జట్టులో చోటు కల్పించడంపై.. మీ అభిప్రాయాలను కామెంట్ల రూపంలో తెలియజేయండి.

టీ20 ప్రపంచకప్ కోసం ఆస్ట్రేలియా జట్టు: ఆరోన్ ఫించ్ (కెప్టెన్), పాట్ కమిన్స్ (వైస్ కెప్టెన్), డేవిడ్ వార్నర్, స్టీవ్ స్మిత్, గ్లెన్ మ్యాక్స్‌వెల్, మిచెల్ మార్ష్, మార్కస్ స్టోయినిస్, టిమ్ డేవిడ్, మాథ్యూ వేడ్(కీపర్), జోష్ ఇంగ్లిస్(కీపర్), జోష్ హెజిల్వుడ్, ఆస్టన్ అగర్, కేన్ రిచర్డ్సన్, మిచెల్ స్టార్క్, ఆడమ్ జంపా.

Tim David is IN! 🤩

The @HurricanesBBL gun is one of 15 Aussies selected to tour India before returning home to defend the #T20WorldCup 🇦🇺 pic.twitter.com/efgNOHtDwL

— KFC Big Bash League (@BBL) August 31, 2022

• ఇదీ చదవండి: టీ20 ప్రపంచకప్‌కు జట్టును ప్రకటించిన ఆస్ట్రేలియా.. వార్నర్ లేకుండానే ఇండియాకు..
• ఇదీ చదవండి: కోహ్లీని కలిసేందుకు సాహసం చేసిన బుడ్డోడు! .. పులి చేతికి చిక్కిన జింకలా..