follow us:
ఇండియన్ ప్రీమియర్ లీగ్ లో రిటైన్ పాలసీ, మెగా ఆక్షన్ లను ఏ ముహూర్తాన ప్రకటించారో తెలియదు గాని.., ఈ రూల్స్ ఐపీఎల్ లో ప్రకంపనలు సృష్టిస్తున్నాయి. ఇంతకాలం టీమ్ ని అంటి పెట్టుకుని ఉన్న ఒక్కో ప్లేయర్ ఆయా ఫ్రాంచైజీలకు షాక్ ఇస్తూ బయటకి వెళ్లిపోతున్నారు. మరోవైపు ఫ్రాంచైజీలు సైతం నమ్మకంగా ఉన్న ఆటగాళ్లను వదిలేస్తూ వారికి షాక్ ఇస్తున్నాయి.
పంజాబ్ టీమ్ ఇప్పటికే తాము ఎవ్వరిని రిటైన్ చేసుకోవడం లేదని తేల్చి చెప్పేసింది. ఇప్పుడు సన్ రైజర్స్ హైదరాబాద్ సైతం వీరిలో బాటలోనే పయనించడానికి సిద్ధమైంది. తాజాగా ఈ విషయాన్ని సన్ రైజర్స్ యాజమాన్యం ట్విట్టర్ ద్వారా అధికారికంగా ప్రకటించింది.చాలా సంవత్సరాలుగా టీమ్ కోసం కష్టపడ్డ ఆటగాళ్లకు ధన్యవాదాలు. ఇది గుడ్ బై మాత్రమే కాదు. మెగా ఆక్షన్ ద్వారా మీలో కొంత మందిని సన్ రైజర్స్ తిరిగి దక్కించుకుంటుంది అంటూ.. సన్ రైజర్స్ అధికారిక ట్విట్టర్ నుండి ఓ పోస్ట్ బయటకి వచ్చింది.
నిజానికి రిటైన్ చేసుకోవడానికి సన్ రైజర్స్ కి టాప్ క్లాస్ ఆటగాళ్లు ఉన్నారు. డేవిడ్ వార్నర్, విలియంసన్, రషీద్ ఖాన్, బైర్ స్టో లాంటి మ్యాచ్ విన్నర్స్ సన్ రైజర్స్ సొంతం. కానీ.., లాస్ట్ సీజన్ లో మేనేజ్మెంట్ వ్యవహారశైలికి ఆటగాళ్లు అంతా విసిగిపోయారన్న ఓ టాక్ ఉంది.
ఈ నేపథ్యంలోనే ఆటగాళ్ళని రిటైన్ చేసుకునే క్రమంలో ప్లేయర్స్ ఎవరూ సన్ రైజర్స్ యాజమాన్యానికి సహకరించలేదని తెలుస్తోంది. దీంతో.. సన్ రైజర్స్ కూడా పంజాబ్ లానే ప్లేయర్స్ అందరిని వదిలేసుకుంది. దీంతో.. ఇప్పుడు సన్ రైజర్స్ భవిష్యత్ ఏమిటన్న కామెంట్స్ వినిపిస్తున్నాయి. మరి.. సన్ రైజర్స్ తీసుకున్న ఈ నిర్ణయంపై మీ అభిప్రాయాలను కామెంట్స్ రూపంలో తెలియజేయండి.
We thank the players for their contribution to SRH over the years. This is not a goodbye, as we hope to welcome back some Risers in the auction 🧡#ForeverOrange pic.twitter.com/imZmqNCpIm
— SunRisers Hyderabad (@SunRisers) November 30, 2021
