Sourav Ganguly: రాజకీయాల్లోకి సౌరవ్ గంగూలీ! BCCI ప్రెసిడెంట్ పదవికి రాజీనామా?

టీమిండియా మాజీ సారధి, ప్రస్తుత బీసీసీఐ అధ్యక్షుడు సౌరవ్‌ గంగూలీ.. పొలిటికల్ ఎంట్రీ ఇవ్వబోతున్నాడా? త్వరలోనే బీసీసీఐ అధ్యక్ష పదవికి రాజీనామా చేయబోతున్నాడా? అంటే అవుననే సమాధానమే వినిపిస్తోంది. తాజాగా గంగూలీ చేసిన క్రిప్టిక్ ట్వీట్ ఈ వదంతులకు కేంద్రంగా మారింది.  దాదా.. త్వరలోనే బీజేపీలో చేరనున్నాడని.. అందుకే ఇలాంటి ట్వీట్ చేశాడనే వార్తలు వినిపిస్తున్నాయి.

గంగూలీ.. తన పోలిటికల్ ఎంట్రీపై స్పష్టమైన సంకేతాలు ఇచ్చారు. ‘‘1992లో క్రికెట్‌తో నా ప్రయాణం ప్రారంభమైన 2022 నాటికి 30 ఏళ్లు అవుతోంది. అప్పటి నుంచి క్రికెట్ నాకు ఎంతో ఇచ్చింది. ముఖ్యంగా మీ అందరి మద్దతును అందించింది. ఈ ప్రయాణంలో భాగమైన వాళ్లు, మద్దతుదారులు, నేను ఇక్కడి వరకు రావడంలో సాయపడిన వాళ్లు అందరికీ ధన్యవాదాలు చెప్పాలని అనుకుంటున్నా. ఈరోజు మరింత మందికి సహాయం అందిస్తుందనిపించే ఒక కొత్త నిర్ణయం తీసుకుంటున్నా. జీవితంలో ఈ కొత్త దశలోకి అడుగుపెట్టే సమయంలో మీ మద్దతు కొనసాగుతుందని ఆశిస్తున్నా’’ అని గంగూలీ ట్వీట్ చేశాడు.

pic.twitter.com/JrHOVvH3Vi

— Sourav Ganguly (@SGanguly99) June 1, 2022

దీంతో గంగూలీ రాజకీయాల్లో చేరతారనే వార్తలు గుప్పుమన్నాయి. ఇటీవలి కాలంలో కేంద్ర హోంమంత్రి, బీజేపీ కీలక నేత అమిత్‌షాతో గంగూలీ రెండుసార్లు భేటీ అవడం కూడా ఈ వార్తలకు మరింత బలాన్ని చేకూరుస్తోంది. దాదా త్వరలోనే కాషాయ కండువా కప్పుకుంటారని, బీజేపీ తరఫున పోటీ చేస్తారని వార్తలు వినిపిస్తున్నాయి. గంగూలీ తీసుకున్న నిర్ణయం ఏంటో తెలయాలంటే మాత్రం వెయిట్ చూడాల్సిందే.

నిజానికి గంగూలీని బీజేపీలోకి తేవాలని ఆ పార్టీ ఎప్పట్నుంచో ప్రయత్నిస్తోంది. గత ఏడాది పశ్చిమ బెంగాల్‌లో జరిగిన అసెంబ్లీ ఎన్నికల సందర్భంగా, గంగూలీని పార్టీలోకి తేవాలని బీజేపీ గట్టిగా ప్రయత్నించింది. బెంగాల్‌లో బీజేపీ గెలిస్తే ముఖ్యమంత్రి పదవి కూడా ఇవ్వాలనుకున్నట్లు ప్రచారం జరిగింది. అయితే, ఆ సమయంలో గంగూలీ పార్టీలో చేరలేదు. మే7న మరోసారి వీరిద్దరూ కలవడంతో.. గంగూలీ బీజేపీలో చేరబోతున్నారంటూ వార్తలొచ్చాయి. ఒకవేళ గంగూలీ బీజేపీలో చేరితే..బెంగాల్ సీఎం అభ్యర్థిగా బరిలో ఉండడం ఖాయమని వినిపిస్తోంది. నిజానికి బీజేపీకి ప‌శ్చిమ బెంగాల్ లో బలమైన నాయకుడు లేరు. గంగూలీ పార్టీలోకి వస్తే ఆ లోటు తీరుతుందని భావిస్తున్నట్లు సమాచారం.

Union Home Minister Amit Shah met with BCCI chief Sourav Ganguly and had dinner with him at his residence in Kolkata, West Bengal pic.twitter.com/dCn3TkgsT1

— ANI (@ANI) May 6, 2022