గిల్ డబుల్ సెంచరీ.. 19 ఫోర్లు, 9 సిక్సర్ల సాయంతో..

ఉప్పల్ వేదికగా న్యూజిలాండ్ తో జరుగుతోన్న మ్యాచులో యువ ఓపెనర్ శుభ్‌మ‌న్ గిల్ డబుల్ సెంచరీతో కదం తొక్కాడు. 145 బంతుల్లో 19 ఫోర్లు, 9 సిక్సర్ల సాయంతో 200 మార్కు చేరుకున్నాడు. 87 బంతుల్లోనే సెంచరీ మార్కు చేరుకున్న గిల్, 200 మార్క్ చేరుకోవడానికి మరో 58 బంతులు మాత్రమే తీసుకోవడం గమనార్హం. మరో ఎండ్ లో బ్యాటర్లు పెవిలియన్ కు క్యూ కడుతున్నా తాను మాత్రం ఫోర్లు, సిక్సర్లతో హోరెత్తించాడు. దీంతో భారత్ నిర్ణీత 50 ఓవర్లలో 8 వికెట్ల నష్టానికి 349 పరుగులు చేసింది. ఇది గిల్ కు మొదటి డబుల్ సెంచరీ కాగా, కెరీర్ లో మూడో సెంచరీ. దీంతో గిల్ డబుల్ సెంచరీ సాధించిన 5వ భారత క్రికెటర్ గా రికార్డుల్లోకెక్కాడు. హిట్ మ్యాన్ రోహిత్ శర్మ మూడు డబుల్ సెంచరీలు చేయగా, సచిన్, సెహ్వాగ్, ఇషాన్ కిషన్ తలా ఒక్కో డబుల్ సెంచరీ సాధించారు.

టాస్ గెలిచి బ్యాటింగ్ ఎంచుకున్న భారత్‌కు ఓపెనర్లు మంచి ఆరంభాన్ని ఇచ్చారు. రోహిత్ శర్మ (34; 4 ఫోర్లు, 2 సిక్సర్లు), శుభమన్ గిల్ నింపాదిగా ఆడుతూ తొలి వికెట్ కు 60 పరుగుల భాగస్వామ్యాన్ని నెలకొల్పారు. పవర్ ప్లే అనంతరం దూకుడు పెంచిన రోహిత్ భారీ షాట్ కు ప్రయత్నించి డారిల్ మిచెల్ కు చిక్కాడు. తరువాత కొద్దిసేపటికే విరాట్ కోహ్లీ (8)ని సాంట్నర్ పెవిలియన్ పంపాడు. ఇషాన్ కిషన్ (5) నిరాశపరిచాడు. అనంతరం క్రీజులోకి వచ్చిన సూర్య ఎప్పటిలానే మెరుపులు మెరిపించాడు. 26 బంతుల్లో నాలుగు ఫోర్ల సాయంతో 31 పరుగులు చేసిన సూర్య, గిల్ తో కలిసి ఐదో వికెట్ కు 65 పరుగులు జోడించాడు. అనంతరం పాండ్యా తో జతకలిసిన గిల్.. 87 బంతుల్లో సెంచరీ మార్క్ చేరుకున్నాడు. అయితే హార్ధిక్(28) వివాదాస్పదంగా ఔటవ్వడం గిల్ దూకుడును తగ్గించింది. పాండ్యా ఔటైన బంతి వికెట్లు తాకలేదని టీవీ రిప్లేలో స్పష్టంగా కనిపించినా.. థర్డ్ అంపైర్ అవుట్ గా ప్రకటించడం గమనార్హం.

A SIX to bring up his Double Hundred 🫡🫡

Watch that moment here, ICYMI 👇👇#INDvNZ #TeamIndia @ShubmanGill pic.twitter.com/8qCReIQ3lc

— BCCI (@BCCI) January 18, 2023

సెంచరీ తర్వాత కాసేపు నిలకడగా ఆడిన గిల్ మళ్లీ బ్యాట్ కు పనిచెప్పాడు. ఈ క్రమంలో బ్రేస్‌వెల్ బౌలింగ్ లో భారీ సిక్సర్ బాది 122 బంతుల్లో 150 పరుగులు పూర్తిచేసుకున్నాడు. అనంతరం డబుల్ సెంచరీకి ఆఖరి రెండు ఓవర్లలో 19 పరుగులు అవసరం కాగా, లాకీ ఫెర్గుసన్ వేసిన 49 ఓవర్ లో వరుసగా మూడు సిక్సర్లు బాది 200 మార్కును చేరుకున్నాడు. మొత్తంగా 149 బంతులు ఎదుర్కొన్న గిల్ 19 ఫోర్లు, 9 సిక్సర్ల సాయంతో 208 పరుగులు చేశాడు. కివీస్ బౌలర్లలో మిచెల్ షిప్లీ చెరో రెండు వికెట్లు తీసుకోగా, సాంట్నర్, ఫెర్గుసన్, టిక్నర్ తలా ఒక వికెట్ తీసుకున్నారు.

Back to back 100s and now, a Double century in ODIs

Take a Bow, #ShubmanGill, you are truly amazing!

Keep it up, champ!@BCCI @JayShah pic.twitter.com/zJzqjaHbs4

— Adv. Ashish Shelar – ॲड. आशिष शेलार (@ShelarAshish) January 18, 2023

Innings Break!

A massive knock of 208 by @ShubmanGill as #TeamIndia post a formidable total of 349/8 on the board.

Scorecard – https://t.co/DXx5mqRguU #INDvNZ @mastercardindia pic.twitter.com/wMsuCcBfm5

— BCCI (@BCCI) January 18, 2023

ఈరోజు ఏపీ, తెలంగాణకు సంబంధించిన లేటెస్ట్ న్యూస్.. జాతీయ, అంతర్జాతీయ వార్తలు.. ఎడ్యుకేషన్, బిజినెస్, సినిమా, స్పోర్ట్స్, టెక్ అప్డేట్స్.. ఆధ్యాత్మిక, ఆరోగ్య సమాచారంతో పాటు, వైరల్ కథనాల కోసం సుమన్ టీవీ యాప్‌ను డౌన్‌లోడ్ చేసుకోండి.