Asia Cup 2022: టీమిండియాకి ఛాన్సే లేదు.. పక్కా మేమే గెలుస్తాం: సర్ఫరాజ్ అహ్మద్

Asia Cup 2022, India vs Pakistan: భారత్‌- పాకిస్తాన్‌ సమరానికి కౌంట్‌డౌన్‌ ప్రారంభమైంది. ఆసియా కప్‌-2022 టోర్నీలో భాగంగా ఆగస్టు 28న దుబాయ్‌ వేదికగా దాయాదుల పోరు జరగనుంది. గతేడాది టీ20 ప్రపంచకప్‌లో ఇదే వేదికలో పాక్‌ చేతిలో ఓటమి చెందిన భారత్‌ ప్రతీకారం తీర్చుకోవాలని భావిస్తోంది. మరోవైపు.. పాకిస్తాన్ అదే సీన్ ను మరోసారి రిపీట్ చేయాలని చూస్తోంది. ఈ క్రమంలో ఈసారి కూడా తమదే విజయమంటూ పాక్ మాజీ కెప్టెన్ సర్ఫరాజ్ అహ్మద్ జోస్యం చెప్పాడు.

గతేడాది యూఏఈ వేదికగా జరిగిన టీ20 వరల్డ్ కప్ 2021 టోర్నీలో మొట్టమొదటిసారి భారత్‌పై విజయాన్ని అందుకుంది పాకిస్తాన్. అంతకుముందు వరల్డ్ కప్ ట్రోఫీల్లో ఎప్పుడూ టీమిండియాపై గెలవని పాక్, ఈ విజయాన్ని తెగ ఎంజాయ్ చేస్తోంది. విరాట్ కోహ్లీ సారధ్యంలో టైటిల్ ఫెవరెట్‌గా బరిలోకి దిగిన భారత జట్టు, 10 వికెట్ల తేడాతో చిత్తుగా పరాజయం పాలైంది. 152 పరుగుల లక్ష్యాన్ని పాకిస్తాన్.. వికెట్ కోల్పోకుండా చేధించింది. ఈ క్రమంలో ఈసారి కూడా తమదే విజయమంటూ పాక్ మాజీ కెప్టెన్ సర్ఫరాజ్ అహ్మద్ ధీమా వ్యక్తం చేస్తున్నాడు.

“ఐసీసీ మెగా టోర్నీల్లో ఏ జట్టు అయినా తమ తొలి మ్యాచ్‌ను విజయంతో ఆరంభించాలని భావిస్తుంది. మేము అదే కోరుకుంటున్నాం. ఈ మ్యాచ్‌లో మేము పూర్తి విశ్వాసంతో బరిలోకి దిగుతున్నాము. ఎందుకంటే మేము గతేడాది ఇదే వేదికపై భారత్‌ను మట్టికరిపించాం. యూఏఈలో పరిస్ధితులు పాకిస్తాన్‌కు బాగా తెలుసు. గతంలో మేము ఇక్కడ పాకిస్తాన్‌ సూపర్‌ లీగ్‌తో పాటు అనేక ద్వైపాక్షిక సిరీస్‌లు కూడా ఆడాము. కాబట్టి ఈ మ్యాచ్‌లో కచ్చితంగా విజయం సాధిస్తాం” అని పేర్కొన్నాడు.

Asia Cup 2022: Sarfaraz Ahmed reveals big advantage for Pakistan ahead of India clash

Read more: https://t.co/hAKqGI2uPi#PAKvIND #AsiaCup2022 pic.twitter.com/PgyQ64ZkJq

— Cricket Pakistan (@cricketpakcompk) August 18, 2022

కాగా, ఆసియాకప్‌-2022 యూఏఈ వేదికగా ఆగస్టు 27 నుంచి ప్రారంభం కానుంది. తొలి మ్యాచ్‌లో ఆఫ్గానిస్తాన్‌- శ్రీలంక తలపడనున్నాయి. ఇక ఈ టోర్నీలో మెత్తం ఆరు జట్లు పాల్గొననున్నాయి. ఇప్పటికే భారత్‌,పాకిస్తాన్‌, శ్రీలంక, ఆఫ్గానిస్తాన్‌, బంగ్లాదేశ్‌ అర్హత సాధించగా.. ఇక మరో స్థానం కోసం క్వాలిఫియంగ్‌ రౌండ్‌లో యూఏఈ, కువైట్, సింగపూర్, హాంకాంగ్ తలపడనున్నాయి. అదే విధంగా ఈ టోర్నీ కోసం ఇప్పటికే భారత్‌,పాకిస్తాన్‌, బంగ్లాదేశ్‌, ఆఫ్గానిస్తాన్‌ తమ జట్లను ప్రకటించాయి.

భారత జట్టు: రోహిత్ శర్మ (కెప్టెన్), కేఎల్ రాహుల్(వైస్ కెప్టెన్), విరాట్ కోహ్లీ, దీపక్ హుడా, సూర్యకుమార్ యాదవ్, రిషబ్ పంత్(కీపర్), దినేష్ కార్తీక్(కీపర్), హార్దిక్ పాండ్యా, రవీంద్ర జడేజా, ఆర్ అశ్విన్, యుజ్వేంద్ర చాహల్, రవి బిష్ణోయ్, భువనేశ్వర్ కుమార్, అర్షదీప్ సింగ్, అవేష్ ఖాన్.

స్టాండ్‌బై ప్లేయర్లు: శ్రేయాస్ అయ్యర్, అక్షర్ పటేల్, దీపక్ చాహర్.

Do you #BelieveInBlue like @RickyPonting does?#GreatestRivalry | #AsiaCup | #INDvPAK: Aug 28 | Star Sports & Disney+Hotstar pic.twitter.com/8mPbzZQPXc

— Star Sports (@StarSportsIndia) August 18, 2022

ఇదీ చదవండి: 2003 World Cup: ఇండియాతో మ్యాచ్ కి ముందు.. కెప్టెన్ నాకు వార్నింగ్ ఇచ్చాడు: షోయబ్ అక్తర్!

ఇదీ చదవండి: Pepsi Cup 1999: ‘నీ బొక్కలు విరగ్గొడతా’ అని గంగూలీని ముందే చెప్పా.. అలానే చేశా: షోయబ్ అక్తర్