follow us:
టీమిండియా స్టార్‌ ఆల్‌రౌండర్‌ రవీంద్ర జడేజాది రాజుల వంశం అనే విషయం తెలిసిందే. మైదానంలో కూడా మంచి ప్రదర్శన కనబర్చిన సమయంలో జడేజా తన బ్యాట్‌ను ఖడ్గంలా తిప్పుతూ.. సంబరాలు జరుపుకుంటాడు. అతన్ని అందరు సర్‌ జడేజా అని కూడా పిలుస్తుంటారు. ప్రస్తుతం ఖాళీ సమయంలో దొరకడంతో జడేజా తన సొంత గుర్రంపై స్వారీ చేస్తూ.. వీడియోను తన అధికారిక ట్విట్టర్‌ ఖాతాలో పోస్టు చేశాడు.
ఇన్ని రోజులు బ్యాట్‌, బాల్‌తో అదరగొట్టిన జడేజాను చూసి ఆనందపడిన క్రికెట్‌ ఫ్యాన్స్‌ ఇప్పుడు జడేజా గుర్రపు స్వారీ చూసి మురిసిపోతున్నారు. తెల్లటి గుర్రంపై జడేజా రాజకుమారుడిలా వస్తున్న వీడియో సోషల్‌ మీడియాలో వైరల్ అవుతోంది. తన సొంత ఫామ్‌లో జడేజా ఇలా గుర్రపు స్వారీ చేస్తు సేదతీరుతున్నాడు. కొన్ని రోజుల్లో మూడు టెస్టు సిరీస్‌ కోసం భారత జట్టు సౌతాఫ్రికా వెళ్లనుంది. జడేజా కూడా ఆ జట్టులో సభ్యుడు. మరి జడేజా గుర్రపు స్వారీపై మీ అభిప్రాయాలను కామెంట్ల రూపంలో తెలియజేయండి.
ఇదీ చదవండి: సంచలన నిర్ణయం తీసుకున్న జడేజా! వీడ్కోలు చెప్పేందుకు సిద్ధం..
— Ravindrasinh jadeja (@imjadeja) December 12, 2021
