follow us:
టీమిండియా రోహిత్ శర్మ పేరు చెప్పగానే ప్రపంచ రికార్డులు, ఐపీఎల్ లో కెప్టెన్ గా ఐదు ట్రోఫీలు, ఎన్నెన్నో ఘనతలు ఇలా చాలా గుర్తొస్తాయి. ఇక అభిమానులైతే రోహిత్ గురించి ప్రస్తావన రాగానే భుజాలెగరేస్తారు. అంతటి రోహిత్ శర్మ.. జట్టులో మిగతా క్రికెటర్లతో పోలిస్తే కాస్త లేజీగా కనిపిస్తుంటాడు. ఏ ఫార్మాట్ మ్యాచ్ అయినా సరే ఫీల్డింగ్ లో చాలా నార్మల్ గా ఉంటాడు. తాజాగా జరిగిన టీ20 వరల్డ్ కప్ లో ఏమంత గొప్పగా ప్రదర్శన చేయలేదు. దీంతో రోహిత్ పై పలువురు మాజీలు విమర్శలు చేస్తున్నారు. పాక్ మాజీ క్రికెటర్ తాజాగా చేసిన విమర్శ షాకింగ్ గా అనిపించింది.
ఇక వివరాల్లోకి వెళ్తే.. 2007లో టీమిండియాలోకి ఎంట్రీ ఇచ్చిన రోహిత్ శర్మ, 2013 ఛాంపియన్స్ ట్రోఫీ నుంచి రోహిత్ దశ తిరిగిపోయింది. ఓపెనర్ గా ఫుల్ సక్సెస్ అయ్యాడు. అప్పటి నుంచి ఇప్పటివరకు రోహిత్ తన మార్క్ బ్యాటింగ్ తో ఆకట్టుకుంటూ వచ్చాడు. కానీ ఈ మధ్య కాలంలో రోహిత్ బ్యాట్ నుంచి అదిరిపోయే హాఫ్ సెంచరీలు, సెంచరీలు గానీ రావడం లేదు. తాజాగా జరిగిన టీ20 వరల్డ్ కప్ లోనూ మెప్పించలేకపోయాడు. దీంతో పొట్టి ఫార్మాట్ నుంచి రోహిత్ ని పక్కనపెట్టనున్నారనే టాక్ వినిపిస్తోంది. ఇదే టైంలో పాక్ మాజీ క్రికెటర్ సల్మాన్ భట్ చేసిన వ్యాఖ్యల షాకింగ్ గా అనిపించాయి.
‘అతడు(రోహిత్ శర్మ) ఫిట్ గా ఉన్నట్లు కనిపించట్లేదు. మైదానంలో నీరసంగా కనిపిస్తున్నాడు. నెమ్మదిగా కదులుతున్నాడు. కానీ అతడు టాప్ ప్లేయర్. ఫిట్ గా ఉంటే.. టీమిండియాకు చాలా ఉపయోగపడతాడు.’ అని సల్మాన్ భట్ తన యూట్యూబ్ ఛానెల్ లోని ఓ వీడియోలో చెప్పాడు. ఈ విషయం మనలో చాలామందికి తెలిసినప్పటికీ.. రోహిత్ జట్టుకు ఉపయోగపడే ఇన్నింగ్సులు ఆడటం వల్ల దీని గురించి ఎవరూ పెద్దగా పట్టించుకోలేదు. కానీ ఇప్పుడు సల్మాన్ భట్ వ్యాఖ్యలు, భవిష్యత్తులో మిగతా మాజీలు చేసినా సరే ఆశ్చర్యపోవాల్సిన పనిలేదు. మరి రోహిత్ ఫిట్ నెస్, ఫీల్డింగ్ గురించి మీ అభిప్రాయాన్నికామెంట్స్ లో పోస్ట్ చేయండి.
