మంచి మనుసు చాటుకున్న ధోనీ.. నటి ఖుష్బూ ప్రశంసలు

టీమిండియా మాజీ సారథి, చెన్నై సూపర్ కింగ్స్ కెప్టెన్ మహేంద్రసింగ్ ధోనీకి ఉన్న ఫ్యాన్ ఫాలోయింగ్‌ గురించి ప్రత్యేకంగా చెప్పక్కర్లేదు. ధోనీ ఆట చూడటం కోసం మైదానానికి వచ్చేవారు కొందరైతే.. అతన్ని చూడటానికే మైదానానికి వచ్చేవారు బోలెడు. అలా అని ధోని అభిమానులకు దూరంగా ఉండట్లేదు. 41 ఏళ్ల వయస్సులోనూ ఆటకు విరామం ఇవ్వకుండా.. అభిమానులకు దగ్గరగా ఉంటున్నాడు. ఇదిలావుంటే తాజాగా ధోనీ ప్రముఖ సినీ నటి, బీజేపీ నేత ఖుష్బూ అత్తయ్యను కలిసి ఆమెను సర్‌ప్రైజ్ చేశారు.

గత మ్యాచులో రాజస్థాన్ చేతిలో ఓడిన చెన్నై సూపర్ కింగ్స్ తదుపరి మ్యాచ్ బెంగుళూరుతో తలపడాల్సి ఉంది. ఆ మ్యాచ్ ఈ నెల 17న జరగాల్సి ఉంది. ఈ నేపథ్యంలో విరామం ఎక్కువుగా ఉండటంతో ధోని అభిమానులను కలుస్తూ ఆశ్చర్యపరుస్తున్నాడు. ఈ క్రమంలో అతడు ప్రముఖ సినీ నటి ఖుష్బూ అత్తయ్యను కలిసి ఆమెను సర్‌ప్రైజ్ చేశారు. ఆమె ధోనీని చూడగానే సంభ్రమాశ్చర్యాలకు గురయ్యారు. ధోనీ ఆమెతో కలిసి ఫోటోలు దిగాడు. తనను సర్‌ప్రైజ్ చేసిన ధోనీని ఖుష్బూ అత్తయ్యగారు ఆప్యాయంగా ముద్దాడారు. అందుకు సంబంధించిన ఫొటోలను నటి ఖుష్బూ తన ట్విట్టర్ ఖాతాలో పోస్ట్ చేశారు. ఈ క్రమంలో ఖుష్బూ.. ధోనీపై ప్రశంసలు కురిపించారు.

“హీరోలు తయారుకారు.. పుడతారు.. ధోనీ ఆ విషయాన్ని ఈ రోజు నిరూపించాడు. ధోనీ ప్రేమ, ఆతిథ్యానికి తనకు మాటలు రావడం లేదని.. ఆమె అత్తగారు ధోనీని ఎంతగానో ఆరాధిస్తుంటారని ఆమె ఈ సందర్భంగా వెల్లడించారు. ధోని.. ఆమెను కలవడం ద్వారా ఆమె ఆయుష్షును, సంతోషాన్ని మరింత పెంచాడంటూ నటి అతడిపై ప్రశంసలు కురిపించారు. అందుకు ఆమె ధోనీకి కృతజ్ఞతలు తెలిజేశారు. అలాగే దీన్ని నిజం చేసిన చెన్నై సూపర్ కింగ్స్‌కు ఓ విజిల్ వేసుకోవాలంటూ…’ ఖుష్బూ తన ట్విట్టర్ ఖాతాలో రాసుకొచ్చారు. ధోనీపై.. మీ అభిమానం ఎటువంటిదో.. కామెంట్ల రూపంలో తెలియజేయండి.

Heroes are not made, they are born. Dhoni proves that. I am at loss for words for our CSK #Thala @msdhoni at his warmth & hospitality. He met my ma in law, who at 88, hero worships Dhoni & cannot see beyond him. Mahi, you have added many years of good health & happiness to her… pic.twitter.com/darszdzb62

— KhushbuSundar (@khushsundar) April 14, 2023