Mohammed Siraj: ఊహకందని సిరాజ్ స్టన్నింగ్ క్యాచ్! వీడియో వైరల్

డబ్ల్యూటీసీ 2023-25 లో భాగంగా టీమిండియా వెస్టిండీస్ తో జరుగుతున్న తన తొలి సిరీస్ ని గ్రాండ్ గా ప్రారంభించింది. టాస్ గెలిచి బ్యాటింగ్ ఎంచుకున్న విండీస్ జట్టుకి చుక్కలు చూపించింది. కేవలం 150 పరుగులకే ఆలౌట్ చేసి విండీస్ జట్టుని చావు దెబ్బ తీశారు. విండీస్ జట్టులో 47పరుగులు చేసిన అతంజ టాప్ స్కోరర్. భారత బౌలర్లలో అశ్విన్ 5 వికెట్లతో విండీస్ పతనాన్ని శాసించగా.. జడేజా 3 వికెట్లతో చెలరేగాడు. సిరాజ్, శార్ధూల్ కి చెరో వికెట్ దక్కింది. ఇక అనంతరం బ్యాటింగ్ ప్రారంభించిన టీమిండియా వికెట్లేమీ కోల్పోకుండా 80 పరుగులు చేసి మొదటి రోజే మ్యాచు మీద పట్టు బిగించారు. క్రీజ్ లో కెప్టెన్ రోహిత్ శర్మ 30 పరుగులతో, డెబ్యూ కుర్రాడు జైస్వాల్ 40 పరుగులతో క్రీజ్ లో ఉన్నాడు. ఇక మ్యాచ్ సంగతి పక్కన పెడితే ఈ తొలి రోజు ఆటలో భాగంగా మహమ్మద్ సిరాజ్ పట్టిన క్యాచ్ హైలెట్ గా నిలిచింది.

టీమిండియాలో సిరాజ్ బౌలింగ్ బాగా చేస్తాడని తెలుసు గాని క్యాచులు కూడా అద్భుతంగా అందుకుంటాడని ఎవ్వరూ ఊహించి ఉండరు. కానీ అందరికీ షాకిస్తూ సిరాజ్ అందుకున్న ఒక క్యాచ్ ఇప్పుడు వైరల్ గా మారుతుంది. 28వ ఓవర్‌లో రవీంద్ర జడేజా వేసిన ఆఫ్ స్టంప్ బాల్‌ను విండీస్ మిడిల్ ఆర్డర్ బ్యాటర్ జెర్మైన్ బ్లాక్‌వుడ్ మిడాఫ్ దిశగా భారీ షాట్‌ కొట్టాడు. అయితే అప్ప‌టికి మిడాఫ్‌లో ఫీల్డింగ్ చేస్తున్న సిరాజ్..వెనక్కి పరిగెడుతూ డైవ్ చేసి సింగిల్ హ్యాండ్ తో క్యాచ్ పట్టి బ్లాక్‌వుడ్ (14)ని పెవిలియన్ కి చేర్చాడు. డైవ్ చేస్తూ వెనక్కి పడడంతో తల బలంగా నేలకు తగిలినా.. సురక్షితంగా బయట పడడటంతో అందరూ ఊపిరి పీల్చుకున్నారు. సిరాజ్ ఈ క్యాచ్ పట్టడం చూసి టీమిండియా ఆటగాళ్లు ఆశ్చర్యం వ్యక్తం చేయడం విశేషం. క్యాచ్‌కు సంబంధించిన వీడియో ప్రస్తుతం సోష‌ల్ మీడియాలో వైరల్ అవుతుంది. మరి సిరాజ్ పట్టిన ఈ గ్రేట్ క్యాచ్ మీకేవిధంగా అనిపించిందో కామెంట్ల రూపంలో తెలపండి.

Miyaan Bhai ki daring 😯 #INDvWIonFanCode #WIvIND pic.twitter.com/LUdvAmmbVr

— FanCode (@FanCode) July 12, 2023