IPL 2022: ఎవరీ హుగ్‌ ఎడ్మెడేస్‌? అతని శాలరీ ఎంతంటే?

బెంగళూరు వేదికగా జరుగుతున్న ఐపీఎల్‌ 2022 వేలంలో అనుకోని అపశృతి చోటు చేసుకున్న సంగతి తెలిసిందే. ఆక్షనీర్‌ హుగ్‌ ఎడ్మెడేస్‌ కళ్లు తిరిగి పడిపోయారు. ఈ క్రమంలో ఎడ్మెడేస్‌ కు వెంటనే చికిత్స అందించారు. ప్రస్తుతం అతడి పరిస్థితి బాగానే ఉందని సమాచారం. హుగ్‌ ఎడ్మెడేస్‌ కు విశ్రాంతి ఇవ్వడంతో.. ప్రస్తుతం అతడి స్థానంలో చారు శర్మ ఆక్షనీర్‌ గా వ్యవహరిస్తున్నారు. ఈ క్రమంలో ప్రస్తుతం నెటిజనులు ఆక్షనీర్‌ హుగ్‌ ఎడ్మెడేస్‌ గురించి తెలుసుకునేందకు ఆసక్తి కనబరుస్తున్నారు. అతడు ఎవరు.. అతడి వేతనం ఎంత వంటి తదితర వివరాల కోసం గూగుల్‌ లో సర్చ్‌ చేస్తున్నారు. ఈ క్రమంలో హుగ్‌ ఎడ్మెడేస్‌ కు సంబంధించిన వివరాలు.

OMG .. Britain’s Hugh Edmeades 😳 IPL Auction collapsed #IPLAuction #IPLMegaAuction2022 pic.twitter.com/QbNafj6kJM

— Smiley Kapoor (@Smileycap) February 12, 2022

ఇది కూడా చదవండి : భారీ ధర పలికిన దేవదత్త్‌ పడిక్కల్‌! ఊతప్ప, రైనాకు షాక్‌

2018లో బీసీసీఐ ఐపీఎల్‌ వేలం నిర్వాహకుడిగా హుగ్‌ ఎడ్మెడేస్‌ ని నియమించింది. రిచర్డ్‌‌ మాడ్లీని స్థానంలో బీసీసీఐ హుగ్‌ ఎడ్మెడేస్‌ ని 2018లో ఆక్షనీర్‌ గా నియమించింది. ఇక రిచర్డ్‌ మాడ్లీ ఐపీఎల్ ప్రారంభం నుంచి ఆక్షనీర్‌ గా వ్యవహరించాడు. ఆక్షనీర్‌ గా ఎడ్మెడేస్‌ కు 35 సంవత్సరాల అనుభవం ఉంది. అంతేకాక అతడు ప్రపంచవ్యాప్తంగా 2,500 కంటే ఎక్కువ వేలంపాటలకు నాయకత్వం వహించాడు. బ్రిట్ అంతర్జాతీయ ఫైన్ ఆర్ట్, క్లాసిక్ కార్స్‌ వంటి సంస్థల వేలం మాత్రమే కాక పలు స్వచ్ఛంద సంస్థలకు సంబంధించిన వేలం పాటలకు ఎడ్మెడేస్‌ ఆక్షనీర్‌ గా వ్యవహరించాడు. అతడి కెరీర్‌ లో ఇప్పటి వరకు 2.7 బిలియన్ పౌండ్ల మొత్తానికి విలువైన ఆటగాళ్లను, వస్తువులను వేలం వేసాడు.

Hope Hugh Edmeades is well.#IPLAuction pic.twitter.com/cRH0e2o6iz

— CricTracker (@Cricketracker) February 12, 2022

 పెయింటింగ్స్, ఫైన్ ఫర్నీచర్, సిరామిక్స్, ఫిల్మ్‌లు, స్పోర్ట్స్ మెమోరాబిలియాలతో కూడిన వేలంపాటలలో ఎడ్మెడేస్‌ కు అనుభవం ఉంది. రిచర్డ్‌ మాడ్లీ తర్వాత మెగా ఈవెంట్‌ను నిర్వహించే గౌరవం పొందిన రెండవ వ్యక్తిగా ఎడ్మెడేస్‌ నిలిచాడు. ఇక ఐపీఎల్‌ లాంటి మెగా ఈవెంట్‌ కు ఆక్షనీర్‌గా వ్యవహరిస్తున్నందుకు గాను ఎడ్మెడేస్‌ వేతనం లక్షల్లోనే ఉంటుందని సమాచారం.

ఇది కూడా చదవండి : రైనాని కొనకపోవడానికి ధోని కారణమా?