బాధలో క్రికెటర్ శుభ్ మన్ గిల్! బాగా ఆడుతున్నా ఇదేమి కర్మ?

వర్షం పడితే వాతావరణం చాలా హాయిగా ఉంటుంది. అయితే ముఖ్యమైన పనులున్నప్పుడు వర్షం పడితే మాత్రం చాలా చిరాకు అనిపిస్తుంది. ఇక ఎప్పుడో ఫిక్స్ అయిన క్రికెట్ మ్యాచులని కూడా ఈ వర్షాలు చెడగొట్టేస్తున్నాయి. ఒక్కటంటే ఒక్కటి దాన్ని కూడా ఆడనివ్వట్లేదు. ఇలా జరిగితే టీమిండియా ఆటగాళ్లు మాత్రమే కాదు అభిమానులు కూడా డిసప్పాయింట్ కావడం గ్యారంటీ. ఈ విషయంలో చేయాల్సిందేమి లేకపోయినప్పటికీ.. పలువురు ఆటగాళ్లు తమ అసంతృప్తిని ఓపెన్ గానే చెప్పేస్తున్నారు. యువ క్రికెటర్ శుభ్ మన్ గిల్ కూడా అలాంటి ఇంట్రెస్టింగ్ కామెంట్స్ చేశాడు. ఇప్పుడవే వైరల్ గా మారాయి.

ఇక వివరాల్లోకి వెళ్తే.. రీసెంట్ గా టీ20 వరల్డ్ కప్ ఎంతో గ్రాండ్ గా ఆస్ట్రేలియాలో జరిగింది. అయితే టోర్నీలోని కొన్ని మ్యాచులు వర్షం వల్ల ఆగిపోయాయి. ఇదే వర్షం వల్ల దక్షిణాఫ్రికా జట్టు ఫేటే మారిపోయింది. సెమీస్ లోకి వస్తుంది అనుకున్నది కాస్త అనుహ్యంగా నిష్క్రమించింది. ప్రపంచకప్ పూర్తయిన వెంటనే.. భారత జట్టు న్యూజిలాండ్ పర్యటనకు వెళ్లింది. ఇందులో భాగంగా మూడు టీ20, మూడు వన్డేలు ఆడాలి. కానీ వర్షాలు వల్ల ఈ మ్యాచులు పూర్తిగా గాడితప్పాయి. ఒక్క మ్యాచ్ కూడా సరిగా నిర్వహించలేని పరిస్థితి ఏర్పడింది.

నవంబరు 18న తొలి టీ20 జరగాల్సి ఉండగా.. కనీసం టాస్ కూడా పడనివ్వకుండా వర్షం దంచికొట్టింది. నవంబరు 20న రెండో మ్యాచ్ ఎలాంటి ఇబ్బంది లేకుండా జరిగింది. మళ్లీ మూడో మ్యాచ్ లో ప్రాబ్లమ్ వచ్చింది. మ్యాచ్ మధ్యలో పలుమార్లు వర్షం ఇబ్బంది పెట్టడంతో డక్ వర్త్ లూయిస్ పద్ధతిలో టై అయిపోయింది. ఇక మొదటి వన్డేలో భారత్ గెలిచింది. తాజాగా రెండో వన్డే జరగాల్సి ఉండగా.. వరుణుడు మరోసారి అంతరాయం కలిగించడంతో ఇన్నింగ్స్ కూడా పూర్తవకుండాన మ్యాచ్ ఆగిపోయింది. మూడో మ్యాచ్ కి కూడా వర్షం ముప్పు ఉందని వాతావరణ శాఖ హెచ్చరికలు జారీ చేసింది. ఈ క్రమంలో గిల్ కామెంట్స్ ఆసక్తిగా అనిపించాయి.

‘టీ20 వరల్డ్ కప్ లో కూడా కీలక మ్యాచులకు వర్షం అంతరాయం కలిగించడం ఫ్యాన్స్ ని నిరాశకు గురిచేసింది. దీని నుంచి తప్పించుకోవడానికి ఒకటే మార్గం. మ్యాచ్ లను ఇండోర్ స్టేడియంలో ఆడించాలి. ఈ విషయమై బోర్డులు నిర్ణయం తీసుకోవాలి. క్రికెటర్ గా కాదు ఫ్యాన్ గా నేను చాలా ఫ్రస్టేట్ అవుతున్నాను. రూఫ్ తో కూడిన క్లోజ్ డోర్ స్టేడియాల్లో మ్యాచులు ఆడిస్తేనే ఫలితాలు తేలుతాయి’ అని గిల్ అభిప్రాయపడ్డాడు. న్యూజిలాండ్ తో తొలి వన్డేలో హాఫ్ సెంచరీతో గిల్ ఆకట్టుకున్నాడు. రెండో వన్డేలో కూడా 45 పరుగులతో మంచి ఊపు మీదుండగా వర్షం పడి మ్యాచ్ ఆగిపోయింది. ఈ క్రమంలోనే గిల్ పై వ్యాఖ్యలు చేసినట్లు తెలుస్తోంది.

Shubman Gill on matches under closed roofs…#INDvsNZ #OneCricket #crickettwitter #Shubmangill pic.twitter.com/w2cRDLJYI7

— OneCricket (@OneCricketApp) November 27, 2022

…and the drizzle returns!

The players have come OFF the field. #TeamIndia 89/1 after 12.5 overs.@ShubmanGill batting on 45* & @surya_14kumar unbeaten on 34.

Follow the match 👉 https://t.co/frOtF7L9O4 #NZvIND

📸 Courtesy: Photosport NZ pic.twitter.com/C8cPUVJecd

— BCCI (@BCCI) November 27, 2022

Shubman Gill has impressed in New Zealand 👌

Does he make India’s ODI World Cup squad? pic.twitter.com/V91TPjecAu

— ESPNcricinfo (@ESPNcricinfo) November 28, 2022