కోహ్లీ 12 ఏళ్లలో సాధించిన రికార్డుని సింపుల్ గా బద్దలు కొట్టిన గిల్!

భారత యువ క్రికెటర్ శుభ్‌మ‌న్‌ గిల్ రికార్డులు కొల్లగొడుతున్నాడు. పిట్ట కొంచెం.. కూత ఘనం అన్నట్లుగా 23 ఏళ్లకే నయా రికార్డులను తన ఖాతాలో వేసుకుంటున్నాడు. జట్టులోకి రావడానికి సమయం పట్టాచ్చేమో కానీ, వచ్చాక ప్రపంచం మొత్తం నా గురుంచే మాట్లాడుకోవాలి అన్నట్లుగా పరుగులు వరద పారిస్తున్నాడు. కివీస్ తో జరిగిన తొలి వ‌న్డేలో డ‌బుల్ సెంచ‌రీ కొట్టిన గిల్, మూడో వన్డేలో మ‌రో సెంచరీ నమోదు చేశాడు. ఈ క్రమంలో రికార్డుల రారాజు ‘విరాట్ కోహ్లీ’ పేరిట ఉన్న అత్యధిక పరుగుల రికార్డును బ్రేక్ చేశాడు. మూడు మ్యాచుల సిరీస్ లో కోహ్లీ 283 పరుగులు చేయగా, గిల్ ఏకంగా 360 పరుగులు చేశాడు.

విధ్వంసకర ఓపెనర్ గా వీరేంద్ర సెహ్వాగ్ మెరుపులు మిస్ అవుతున్నాం అనుకుంటున్న అభిమానులకు గిల్ అలాంటి ఆట తీరును మరోసారి చూపిస్తున్నాడు. పరుగు చేయాలంటే 10 బంతులు, ఫోర్ కొట్టాలంటే 15 బంతులు కాకుండా, ఆది నుంచే ఎదురుదాడికి దిగుతున్నాడు. ఫోర్లు, సిక్సర్లతో మరో ఎండ్ లోని బ్యాటర్లకు సవాల్ విసురుతున్నాడు. 49, 50, 45, 13, 70, 21, 116, 208, 40, 112.. గత పది ఇన్నింగ్స్ ల్లో గిల్ స్కోర్లివి. గత ఏడాది వరకు గిల్ ఖాతాలో భారీ ఇన్నింగ్స్ లు లేనప్పటికీ.. కొత్త ఏడాదిలో మాత్రం విజృంభిస్తున్నాడు. సహచర ఆటగాళ్లు పరుగులు చేయడానికి నానాతిప్పలు పడుతుంటే.. ఇతడు మాత్రం అలవోకగా సెంచరీలు బాదేస్తున్నాడు.

Shubman Gill is the only player with 3 international centuries in 2023.#ShubmanGill #CricketTwitter #Cricket #INDVSNZODI pic.twitter.com/1miflBnwi8

Join Our Whatsapp Channel

— myKhel.com (@mykhelcom) January 24, 2023

గిల్.. ఈ ఏడాది ఆరంభం నుంచి ధనాధన్‌ ఇన్నింగ్స్‌లకు శ్రీకారం చుట్టాడు. లంకతో జరిగిన తొలి వన్డేలో మెరుపు హాఫ్‌ సెంచరీ (60 బంతుల్లో 70; 11 ఫోర్లు) చేసిన గిల్‌.. ఆతర్వాతి మ్యాచ్‌లో 21 పరుగులకే ఔటైనప్పటికీ, మూడో వన్డేలో విశ్వరూపం ప్రదర్శించాడు. 97 బంతుల్లో 14 ఫోర్లు, 2 సిక్సర్ల సాయంతో 116 పరుగులు చేశాడు. ఇంతటితో ఆగని గిల్‌ మేనియా.. న్యూజిలాండ్‌తో వన్డే సిరీస్‌లో మరింత తీవ్రరూపం దాల్చింది. తొలి వన్డేలో డబుల్‌ సెంచరీ (149 బంతుల్లో 209; 19 ఫోర్లు, 9 సిక్సర్లు), రెండో వన్డేలో 40, మూడో వన్డేలో 112.. ఇలా భారీ ఇన్నింగ్స్ లు ఆడుతూ సహచర ఆటగాళ్లకు సవాల్ విసురుతున్నాడు.ఈ క్రమంలో మాజీ సారధి విరాట్ కోహ్లీ పేరిట ఉన్న అత్యధిక పరుగుల(మూడు మ్యాచుల్లో) రికార్డు కనుమరుగయ్యేలా చేశాడు.

Most runs in 3 match ODI series:

•Shubman Gill – 360
•Babar Azam – 360
•Imrul Kayes – 349

Shubman Gill created history!!! pic.twitter.com/1dGn8RNhLB

— CricketMAN2 (@ImTanujSingh) January 24, 2023

శ్రీలంకతో జరిగిన మూడు వన్డేల సిరీస్ లో కోహ్లీ.. 113+ 4+166 = 283 పరుగులు చేయగా, గిల్.. 208 + 40 + 112 = 360 పరుగులు చేశాడు. అలాగే, గిల్ ఇప్పటివరకు 21 మ్యాచుల్లో1254 పరుగులు చేయడంతో, అతి తక్కువ ఇన్నింగ్స్ ల్లో 1200 పరుగులు చేసిన ఆటగాడిగా జోనాథన్ ట్రాట్ పేరిట ఉన్న రికార్డు కూడా బద్దలైంది. ట్రాట్ 24 ఇన్నింగ్స్ ల్లో 1194 పరుగు చేయగా, గిల్ 21 ఇన్గ్స్ ల్లోనే ఆ మార్కును చేరుకున్నాడు. గిల్‌ ఆటతీరుపై.. మీ అభిప్రాయాలను కామెంట్ల రూపంలో తెలియజేయండి.

Shubman Gill becomes the quickest men’s batter in the world to score 1,200 ODI runs.

Trott had made the most runs after 24 innings – 1,194.

Gill needed three innings fewer to overhaul the record!

Already a record-breaker. 👏👏#INDvNZ pic.twitter.com/SI3GvwdDT1

— Wisden India (@WisdenIndia) January 24, 2023