మూడో వన్డేలోనూ భారత్‌దే విజయం.. 3-0 తేడాతో సిరీస్ క్లీన్ స్వీప్

స్వదేశంలో భారత్ జైత్ర కొనసాగుతోంది. ఈ ఏడాది ఆరంభంలో శ్రీలంకను 3-0 తేడాతో చిత్తుచేసిన టీమిండియా, న్యూజిలాండ్ పై కూడా అదే విజయాన్ని మరోసారి పునరావృతం చేసింది. మూడు వన్డేల సిరీస్ ను ఇప్పటికే 2-0తో సొంతం చేసుకున్న భారత్, మూడో వ‌న్డేలో కూడా విజయం సాధించి సిరీస్ ను 3-0 తేడాతో కైవసం చేసుకుంది. ఇండోర్ వేదికగా జరిగిన మూడో వన్డేలో టీమిండియా 90 ప‌రుగుల తేడాతో విజయం సాధించింది. ఈ గెలుపుతో భారత్.. ఐసీసీ వన్డే ర్యాంకింగ్స్‌లో న్యూజిలాండ్, ఇంగ్లాండ్ ను వెనక్కి నెట్టి అగ్రస్థానాన్ని కైవసం చేసుకుంది.

మొద‌ట బ్యాటింగ్ చేసిన భారత్ నిర్ణీత 50 ఓవర్లలో 8 వికెట్ల న‌ష్టానికి 385 పరుగులు చేసింది. ఓపెన‌ర్లు శుభ్‌మ‌న గిల్ (112), రోహిత్ శ‌ర్మ‌ (101) సెంచ‌రీల‌తో చెల‌రేగారు. వీళ్లిద్ద‌రూ తొలి వికెట్‌కు 212 పరుగుల భాగస్వామ్యాన్ని నెలకొల్పారు. వీరిద్దరి ధాటికి భారత్.. 450 పరుగుల పైబడి స్కోర్ కనిపించింది. అయితే, వరుస విరామాల్లో వికెట్లు కోల్పోవడంతో స్కోరు బోర్డు పెట్టలేకపోయింది. చివ‌ర్లో హార్దిక్ పాండ్యా (54), శార్దూల్ ఠాకూర్‌(25) మెరుపులు మెరిపించడంతో 385 పరుగుల భారీ స్కోర్ చేసింది. కివీస్ బౌల‌ర్ల‌లో టిక్న‌ర్, జాక‌బ్ డ‌ఫీ త‌లా మూడు వికెట్లు తీసుకోగా, బ్రేస్‌వెల్‌కు ఒక వికెట్ ద‌క్కింది.

3⃣6⃣0⃣ runs in three matches 🙌@ShubmanGill becomes the Player of the Series for his sensational performance with the bat, including a double-hundred in the #INDvNZ ODI series👏👏

Scorecard ▶️ https://t.co/ojTz5RqWZf…@mastercardindia pic.twitter.com/77HJHLgJoL

— BCCI (@BCCI) January 24, 2023

అనంతరం.. భారీ లక్ష్యంతో బరిలోకి దిగిన కివీస్ 41.2 ఓవర్లలో 295 పరుగులకు ఆలౌట్ అయ్యింది. ఓపెనర్ డ్వేన్ కాన్వే(138) శ‌త‌కం బాద‌డంతో కివీస్ ఆ మాత్రం స్కోరైనా చేయ‌గ‌లిగింది. నికోల‌స్ (42), మిచెల్ (24) పరుగులతో పర్వాలేదనిపించారు. న్యూజిలాండ్ ధాటిగా ఆడుతోన్న సమయంలో శార్దూల్ ఠాకూర్.. మిచెల్, లాథ‌మ్, గ్లెన్ ఫిలిప్స్ వికెట్లు తీసి కివీస్ ను కోలుకోలేని దెబ్బ‌ తీశాడు. ఆ త‌ర్వాత కుల్దీప్.. నికోల‌స్, బ్రేస్‌వెల్, ఫెర్గూస‌న్ వికెట్లు తీసి కివీస్ ప‌త‌నాన్ని శాసించాడు. దీంతో కివీస్ జ‌ట్టు 295 ప‌రుగుల‌కే కుప్ప‌కూలింది. ఇక ఇరు జట్ల మధ్య తొలి టీ20 జనవరి 27న రాంఛీ వేదికగా జరగనుంది.

Captain @ImRo45 collects the trophy as #TeamIndia clinch the #INDvNZ ODI series 3⃣-0️⃣ 👏🏻👏🏻

Scorecard ▶️ https://t.co/ojTz5RqWZf…@mastercardindia pic.twitter.com/5D5lO6AryG

— BCCI (@BCCI) January 24, 2023