ఐసీసీ వరల్డ్‌కప్‌ సూపర్‌ లీగ్‌లో భాగంగా వెస్టిండీస్ జట్టు పాకిస్తాన్ లో పర్యటిస్తున్న విషయం తెలిసిందే. ఇప్పటికే టీ20 సిరీస్ ను 3-0తో క్లీన్ స్వీప్ చేసిన పాకిస్తాన్ జట్టు.. వన్డే సిరీస్ ని సైతం ఇంకో మ్యాచ్ ఉండగానే 2-0తో కైవసం చేసుకుంది. ముల్తాన్ వేదికగా జరిగిన రెండో వన్డేలో పాకిస్తాన్ జట్టు 120 పరుగుల తేడాతో ఘన విజయం సాధించింది. అయితే.. ఈ మ్యాచులో పాకిస్తాన్ కెప్టెన్ బాబర్ ఆజమ్ చేసిన అత్యుత్సానికి వెస్టిండీస్ జట్టుకు 5 పరుగులు అదనంగా లభించాయి.
క్రికెట్ నిబంధనల ప్రకారం మైదానంలో ఫీల్డింగ్ చేసే జట్టులో వికెట్ కీపర్ మినహా మిగతా ఎవ్వరూ గ్లోవ్స్ ధరించరు. ఒకవేళ ఫీల్డర్‌ వేళ్లకు గాయమైతే అంపైర్‌ అనుమతి తీసుకున్న తర్వాతే గ్లోవ్స్ ధరించవచ్చు. ఈ నిబంధనలు అతిక్రమిస్తే.. ప్రత్యర్థి జట్టుకు 5 పరుగులు అదనంగా యాడ్ చేస్తారు. ఈ రూల్స్ ఆటగాళ్లకు తెలియవా అంటే.. తెలియవు అని కాదు. మనల్నెవరూ చూడట్లేదుగా.. ఒకసారి వేసుకుందాం.. ఏమవుతుందో చూద్దాం అన్నట్లుగా ముచ్చటపడుతుంటారు. తాజాగా ముల్తాన్ వేదికగా వెస్టిండీస్ తో జరిగిన రెండో వన్డేలో పాకిస్తాన్ కెప్టెన్ బాబర్ అజమ్ ఇలాంటి పనే చేశాడు. దీంతో అంపైర్లు విండీస్ కు ఐదు పరుగులు అదనంగా ఇచ్చారు.
Babar THE WICKET KEEPER 😭🤩😂#PAKvWI #BabarAzam𓃵 pic.twitter.com/leS2Hu51t1
— 𝙰𝙸𝙼𝙴𝙽 🇵🇰 (@AimenJavaid8) June 10, 2022
ఇది కూడా చదవండి: Video: ఇమాముల్ హక్ ను నిండా ముంచిన బాబర్ అజామ్! ఇంత స్వార్థపరుడా!
కరీబియన్ జట్టు బ్యాటింగ్ చేస్తుండగా.. 29వ ఓవర్ లో వికెట్ల వెనుక పీల్డింగ్ చేస్తున్న బాబర్ ఆజమ్, వికెట్ కీపర్ కు చెందిన ఒక గ్లోవ్స్ తీసుకొని తన చేతికి తొడుకున్నాడు. అంతటితో ఊరుకున్నాడా? లేదు.. అలా ఓ బంతిని కూడా అందించాడు. ఈ చర్య క్రికెట్ నిబంధనలకు విరుద్ధం కనుక అంపైర్లు వారి పని వారు కానిచ్చారు. బాబర్ చేసిన ఈ పనిని కొందరు సమర్దిస్తుంటే.. మరికొందరు విమర్శిస్తున్నారు. ‘జట్టు ఎలానూ గెలుస్తుందిగా అని ఇలాంటి పనులు చేయడం కరెక్ట్ కాదు.. రూల్స్ అన్నాక అందరూ పాటించాలి అంటూ గట్టిగా హెచ్చరిస్తున్నారు.
A rare thing happened tonight. West Indies were awarded 5 penalty runs due to illegal fielding by Pakistan.
Laws of cricket:
28.1 – No fielder other than the wicket-keeper shall be permitted to wear gloves or external leg guards. #PakvWI pic.twitter.com/WPWf1QeZcP
— Mazher Arshad (@MazherArshad) June 10, 2022
ఇక.. మ్యాచ్ విషయానికొస్తే.. తొలుత బ్యాటింగ్ చేసిన పాక్ నిర్ణీత 50 ఓవర్లలో 275/8 పరుగుల స్కోర్ చేసింది. అనంతరం విండీస్ చేదనలో 155 పరుగులకే కుప్పకూలింది. దీంతో పాక్ 120 పరుగుల భారీ తేడాతో విజయం సాధించింది. క్రికెట్ నిబంధనలకు విరుద్ధంగా ప్రవర్థించిన బాబర్ ఆజమ్ పై మీ అభిప్రాయాన్ని కామెంట్స్ రూపంలో తెలియజేయండి.
