క్రీడల్లో ఆటగాళ్ల మధ్య గొడవలు సర్వసాధారణం. క్రికెట్ లో ఇలాంటి వివాదాలు కాస్తా ఎక్కువగా ఉంటాయి. కొంత మంది ఆటగాళ్లు శృతిమించి సహచర ఆటగాడిపై దురుసుగా ప్రవర్తిస్తారు. అలా తాము చేసిన తప్పులు తెలుసుకుని పశ్చాత్తాప పడుతుంటారు. పలు సందర్భాల్లో కొందరు ఆటగాళ్లు తమ ప్రవర్తన తో ఇబ్బందిపడిన సహచరులను క్షమాపణలు సైతం కోరుతుంటారు. తాజాగా టీమ్ ఇండియా మాజీ ఆటగాడు హర్భజన్ సింగ్ కూడా శ్రీశాంత్ విషయంలో పశ్చాత్తాపం వ్యక్తం చేశాడు. ఒక తప్పును సరిదిద్దుకునే అవకాశం వస్తే అది శ్రీశాంత్ తో తాను దురుసుగా ప్రవర్తించిన సంఘటనే అని భజ్జీ అన్నాడు. దీనికి సంబంధించిన వీడియో ఇప్పుడు సోషల్ మీడియాలో వైరల్ గా మారింది.
భారత్ టీ-20లీగ్ 2008లో ఆరంభ సీజన్ లో ముంబయికు భజ్జీ… పంజాబ్ తరపున శ్రీశాంత్ ప్రాతినిధ్యం వహించారు. మొహాలిలో జరిగిన మ్యాచ్ లో శ్రీశాంత్ ను భజ్జీ చెంప దెబ్బ కొట్టాడం అప్పట్లో పెద్ద దుమారమే రేపింది. దీనిపై ఇప్పుడు భజ్జీ స్పందించారు. ఓ ఆన్ లైన్ కాన్ఫరెన్స్ లో భజ్జీ, శ్రీశాంత్ లు పాల్గొన్నారు. ఈ సందర్భంగా హర్భజన్ సింగ్ మాట్లాడుతూ…” శ్రీశాంత్ విషయంలో జరిగింది చాలా పెద్ద తప్పు. నేను పొరపాటు చేశా. నా వల్ల సహచరుడు ఇబ్బంది పడాల్సి వచ్చింది. ఆ సంఘటనపై నేనూ సిగ్గుపడ్డాను. నా జీవితంలో నేను ఒక తప్పును సరిదిద్దుకోవాల్సి వస్తే అది శ్రీశాంత్ పట్ల ప్రవర్తించిన తీరులోనే సరిదిద్దుకోవాలి.
ఇదీ చదవండి: నేను లేకుంటే గంగూలీ కెప్టెన్సీ పోయిండేది: హర్భజన్ సింగ్
దాని గురించి ఆలోచించినప్పుడల్లా నాకు ఏదో వెలితిగా అనిపిస్తుంది. నేను అలా చేసి ఉండాల్సిన అవసరం కూడా లేదు కదా అని ఫీల్ అవుతాను. ఆ సంఘటన గురించి ఆలోచించినప్పుడు అలా జరగాల్సింది కాదని అనిపిస్తుంది” అని హర్భజన్ సింగ్ తన పశ్చాత్తాపాన్ని వ్యక్తం చేశాడు. ఇందుకు సంబంధించిన వీడియో ఇప్పుడు నెట్టింట వైరల్ అవుతోంది. భజ్జీ వ్యాఖ్యలపై మీ అభిప్రాయాలను కామెంట్స్ రూపంలో తెలియజేయండి.
Harbhajan Singh and sreesanth are together in this video and everyone is watching this and you all must watch this and i hope yoy will love this#BhajjiBoleSorrySreepic.twitter.com/nI7xTYpDjh
— Alpha king 👑 (@_ursbaby) June 4, 2022
