ఐపీఎల్‌ సీజన్‌ 14 సెకెండ్‌ హాఫ్‌ సందడి ప్రారంభమైపోయింది. సోషల్‌ మీడియా వేదికగా ఫ్యాన్స్ అప్పుడే రచ్చ షురూ చేశారు. ఫస్ట్‌, సెకెండ్‌ హాఫ్‌ మధ్యలో చాలా టీమ్లలో మార్పులు జరిగాయి. గాయాలు, వ్యక్తిగత కారణాలు, కరోనా విజృంభణ.. కారణం ఏదైనా టీమ్స్‌ కొందరి ఆటగాళ్లను కోల్పోయింది. ఇప్పటికే కొన్ని టీమ్‌లు వారి రీప్లేస్‌మెంట్‌ ఆటగాళ్లను ఎంపిక చేసుకున్నాయి. రాజస్థాన్‌ రాయల్స్‌ కూడా తమ ప్లేయర్‌లను ప్రకటించింది. పలు కారణాల రీత్యా లీగ్‌ నుంచి తప్పుకున్న బెన్‌ స్టోక్స్‌, జోస్‌ బట్లర్‌ స్థానాలను భర్తీ చేసింది. స్టోక్స్‌ స్థానాన్ని విండీస్‌కు చెందిన ఒషేన్‌ థామస్‌ భర్తీ చేయనున్నాడు. జోస్‌ బట్లర్‌ స్థానంలో విండీస్‌కే చెందిన ఎవిన్‌ లూయిస్‌తో రీప్లేస్‌ చేస్తున్నట్లు తమ అఫీషియల్‌ ట్విట్టర్‌ హ్యాండిల్‌ ద్వారా ప్రకటించారు.
ఎవిన్‌ లూయిస్‌ గతంలో ముంబయి ఇండియన్స్‌ తరఫున 16 మ్యాచ్‌లు ఆడాడు. 131 స్ట్రైక్‌ రేట్‌తో 430 పరుగులు చేశాడు. వెస్టిండీస్‌ తరఫున టీ20ల్లోనూ ఎవిన్‌ స్ట్రైక్‌ రేట్‌ 158గా ఉంది. ఇక, ఒషేన్‌ విషయానికి వస్తే అతనికి గతంలో రాజస్థాన్‌ రాయల్స్‌ తరఫున ఆడిన అనుభవం ఉంది. అంతర్జాతీయ టీ20ల్లో 17 మ్యాచుల్లో 26.52 బౌలింగ్‌ సగటుతో 19 వికెట్లు తీసిన అనుభవం ఉంది.
