follow us:
నాటింగ్ హామ్ వేదికగా జరుగుతున్న న్యూజిలాండ్– ఇంగ్లాండ్ రెండో టెస్టులో ఆసక్తికర ఘటన చోటుచేసుకుంది. గ్యాలరీలో కూర్చుని చల్లగా బీరు తాగుతూ మ్యాచ్ ను ఎంజాయ్ చేస్తున్న ఓ లేడీ అభిమానికి షాక్ తగిలింది. కివీస్ ప్లేయర్ డారిల్ మిచెల్ కొట్టిన సిక్స్ వల్ల ఆ అభిమాని చేతిలో బీర్ గ్లాస్ పగిలిపోయింది. ఆ వీడియో సోషల్ మీడియాలో నవ్వులు పూయిస్తోంది. అంతేకాకుండా బౌండరీ మీదున్న ఇంగ్లాండ్ ఫీల్డర్ మాథ్యూ పాట్స్‌.. బీరు గ్లాస్ ఎలా పగిలిపోయిందో తన సైగలతో చూపించిన విధానం మరింత ఆకట్టుకుంది. ప్రస్తుతం ఈ వీడియో సోషల్ మీడియాలో వైరల్ గా మారింది.
తొలి ఇన్నింగ్స్ లో జాక్ లీచ్ 56వ ఓవర్ వేసేందుకు బాల్ తీసుకున్నాడు. తొలి బంతిని బౌండిరీగా మలిచాడు.. రెండో బంతిని డాట్‌ బాల్ అయ్యింది. జాక్ లీచ్ వేసిన మూడో బంతిని డారిల్ మిచెల్ స్టెప్ అవుట్ అయ్యి ఓవర్ ది లాంగ్ ఆన్‌ భారీ సిక్స్ కొట్టాడు. ఆ బాల్ నేరుగా వెళ్లి గ్యాలరీలోని మహిళా అభిమాని చేతిలో ఉన్న బీర్ గ్లాస్ లో ల్యాండ్ అయ్యింది. ఆ బంతి వల్ల బీర్ గ్లాస్ పగలడమే కాకుండా.. ఆమె కుడి చేతి చూపుడు వేలుకు చిన్న గాయం కూడా అయ్యింది.
Alexa please play Bachke Rehna Re Baba 🎶@dazmitchell47 ensuring spectators keep their vigil like 🤌🏻@englandcricket @BLACKCAPS#ENGvNZ #SirfSonyPeDikhega #SonySportsNetwork pic.twitter.com/UDqOAs2H8Z
— Sony Sports Network (@SonySportsNetwk) June 10, 2022
మ్యాచ్ తర్వాత డారిల్ మిచెల్ స్వయంగా వెళ్లి మహిళా అభిమాని సూసన్ కు క్షమాపణలు చెప్పాడు. ‘మీ చేతిలోని బీర్ గ్లాస్ ను పగలగొట్టినందుకు నన్ను క్షమించండి. ఈసారి మాత్రం అలాంటి ఘటన జరిగితే అప్రమత్తంగా ఉండి ముందే క్యాచ్ పట్టుకోండి’ అంటూ డారిల్ తెలిపాడు. ఆ అభిమానికి కివీస్ జట్టు తరఫున మరో బీర్ గ్లాస్ అందించారు. ఇంగ్లాండ్ జట్టు కూడా మరో బీర్ ఇచ్చినట్లు సూసన్ తెలిపింది. ప్రస్తుతం ఈ వీడియో సోషల్ మీడియాలో వైరల్ గా మారింది. ఈ వైరల్ వీడియోపై మీ అభిప్రాయాలను కామెంట్స్ రూపంలో తెలియజేయండి.
Sorry Susan!#ENGvNZ https://t.co/tqzhuh6SO6 pic.twitter.com/yajycEupL2
— BLACKCAPS (@BLACKCAPS) June 10, 2022
Susan – the lady earlier who Daryl Mitchell’s pint hit – has been given a replacement by the Kiwi team 👏👏👏#ENGvNZ pic.twitter.com/53ig2R5cML
— England’s Barmy Army (@TheBarmyArmy) June 10, 2022
