అసలు బ్యాట్ కే తగలని బాల్.. అయినా అవుట్ ఇచ్చిన అంపైర్!

క్రికెట్ లో అప్పుడప్పుడు నమ్మశక్యం కాని ఘటనలు చోటు చేసుకోవడం కామన్. కాకుంటే.. అలాంటి ఘటనలు ఆస్ట్రేలియా వేదికగా జరుగుతోన్న బిగ్ బాష్ లీగ్‌లో రోజుకొకటి చొప్పున వెలుగుచూస్తున్నాయి. ఇటీవల ఓ మ్యాచ్‌లో.. బ్యాటర్ సిక్స్ కోసం బంతిని గాల్లోకి లేపగా.. అమాంతం ఎగిరి క్యాచ్ అందుకున్న ఫీల్డర్.. తనను తాను నియంత్రించుకోలేక బౌండరీ లైన్ దాటేశాడు. కానీ సమయస్ఫూర్తితో వ్యవహరించి.. బౌండరీ లైన్ బయట అడుగుపెట్టేలోగానే బంతిని గాల్లోకి విసిరాడు. మళ్ళీ బౌండరీ లోపలికి బంతిని క్యాచ్ అందుకున్నాడు. దీన్ని ఔట్ అని ప్రకటించగా, ఇదెలా ఔట్ అంటూ పెద్ద దుమారమే రేగింది. ఇది మరవక ముందే.. అలాంటి ఘటన మరొకటి చోటుచేసుకుంది. బంతి బ్యాట్ తగలకున్నా అంపైర్ ఔట్ ఇచ్చాడు. అయితే.. ఇక్కడ ఆ తప్పు అంపైర్ ది కాదు..

టెక్నాలజీ లేని రోజుల్లో అంపైర్ దే తుది నిర్ణయం. ఇప్పుడు ఆయనదే అనుకోండి.. కాకుంటే.. విభిన్న యాంగిల్స్ లో కెమెరాలు, స్నికో మీటర్లు, లైట్ వెలిగే స్టంప్స్.. వంటి టెక్నాలజీ వచ్చాక వాటిదే పైచేయి అవుతోంది. ఇప్పుడు అదే జరిగింది. స్నికో మీటర్ చేసిన తప్పిదానికి బ్యాటర్ బలయ్యాడు. మెల్‌బోర్న్ స్టార్స్- సిడ్నీ సిక్సర్స్ మధ్య జరిగిన మ్యాచ్‌లో.. రెండో ఇన్నింగ్స్ ఆఖరి ఓవర్ లో ఈ ఘటన చోటుచేసుకుంది. ఇక్కడ బ్యాటర్.. జోర్డాన్ సిల్క్ కావడం గమనార్హం. వరుస రెండు మ్యాచుల్లో.. సిల్క్ రెండు సార్లు వివాదాస్పదంగా ఔట్ అయ్యాడు. బ్యాట్-బాల్ కు దాదాపు 4 ఇంచుల గ్యాప్ ఉంది. తగలలేదని స్పష్టంగా కనపడుతోంది. అయినప్పటికీ.. టెక్నాలజీదే తుది నిర్ణయం కనుక ఔట్ గా ప్రకటించాడు. అందుకు సంబంధించిన వీడియో సోషల్ మీడియాలో వైరలవుతోంది.

Despite the gap between bat and ball on the left, Jordan Silk was given out.

Join Our Whatsapp Channel

Reckon he’s walked under a ladder and seen a black cat after the last week. #BBL12 pic.twitter.com/xViGXFABSj

— Lachlan McKirdy (@LMcKirdy7) January 6, 2023

ఇక, మ్యాచ్ విషయానికొస్తే.. మెల్‌బోర్న్ స్టార్స్ పై సిడ్నీ సిక్సర్స్ విజయం సాధించింది. తొలుత బ్యాటింగ్ చేసిన స్టార్స్ నిర్ణీత 20 ఓవర్లలో 5 వికెట్ల నష్టానికి 173 పరుగులు చేయగా, సిక్సర్స్ ఒక బంతి మిగిలి ఉండగానే లక్ష్యాన్ని చేధించింది. 59 బంతుల్లో 9 ఫోర్లు, 2 సిక్సర్ల సాయంతో 91 పరుగులు చేసిన జేమ్స్ విన్స్ మ్యాన్ అఫ్ ది మ్యాచ్ అవార్డు అందుకున్నాడు. కాగా, సిల్క్ ఔట్ నిర్ణయంలో తప్పెవరిది..? అంపైర్ దా..? స్నికో మీటర్ దా..? మీ అభిప్రాయాలను కామెంట్ల రూపంలో తెలియజేయండి.

A controversial decision sees Jordan Silk depart! 😱

What did you make of Michael Neser’s catch? #BBL12pic.twitter.com/Pxjv8C8woH

— CODE Cricket (@codecricketau) January 1, 2023