సౌతాఫ్రికాతో టెస్ట్‌లో బ్యాటింగ్‌ చేస్తూ మంత్రం జపిస్తున్న రహానే! వీడియో వైరల్‌

కొన్ని రోజులుగా ఫామ్‌లేమితో ఇబ్బంది పడుతూ రహానే విమర్శలు ఎదుర్కొంటున్నాడు. విమర్శలకు ఎలాగైన చెక్‌ పెట్టాలనుకుంటున్న అజింక్యా.. అందుకు సౌతాఫ్రికాతో టెస్ట్‌ సిరీస్‌ను వేదికగా చేసుకున్నట్లు కనిపిస్తున్నాడు. ఆదివారం ప్రారంభమైన మొదటి టెస్ట్‌లో కోహ్లీ అవుట్‌ అయిన తర్వాత బ్యాటింగ్‌కు వచ్చిన రహానే.. కొత్త తరహా బ్యాటింగ్‌ స్టైల్‌ను ప్రదర్శిస్తున్నాడు. ఆశ్చర్యకరంగా బ్యాటింగ్‌ చేసే సమయంలో ఏదో మంత్రం చదువుతున్నట్లు కనిపించాడు. వాచ్‌ ది బాల్‌.. వాచ్‌ ది బాల్‌ అని అంటున్నట్టు వీడియో చూస్తే అర్థం అవుతుంది.

ఇన్ని రోజులు ఫామ్‌లేమితో ఇబ్బంది పడుతున్న రహానే.. ఈ సారి ఎలాగైన భారీ స్కోర్‌ చేసి విమర్శకుల నోర్లు మూయించాలని భావిస్తున్నట్లు తెలుస్తుంది. అందుకే ఏకాగ్రత కోల్పోకుండా.. తనకు తానే ఇన్‌స్పైర్‌ చేసుకుంటూ.. బాల్‌ చూడు.. బాల్‌ చూడు అని చెప్పుకుంటున్నట్లు కనిపిస్తుంది. కాగా రహానే తనలో తాను మాట్లాడుకుంటున్న దృశ్యం కెమెరా కంటికి చిక్కింది. ఈ వీడియో ఇప్పుడు సోషల్‌ మీడియాలో వైరల్‌గా మారింది. మంత్రాలు చదువుతున్న రహానే అంటూ నెటిజన్లు కామెంట్లు చేస్తున్నారు. మరి రహానే బ్యాటింగ్‌పై మీ అభిప్రాయాలను కామెంట్ల రూపంలో తెలియజేయండి.

Rahane reminding himself to watch the ball as the bowler runs up makes me realise how cruel cricket can be for such experienced guy pic.twitter.com/3HKhVgMMFc

— Nikhil Dubey (@nikhildubey96) December 26, 2021