follow us:
ఆస్ట్రేలియా పరిమిత ఓవర్ల కెప్టెన్ ఆరోన్‌ ఫించ్‌ వన్డే క్రికెట్‌కు వీడ్కోలు పలికాడు. న్యూజిలాండ్‌తో కెయిర్న్స్‌లో జరిగే మూడో వన్డే ఫించ్‌కు చివరి వన్డే కానుంది. కాగా కొంత కాలంగా ఫామ్‌లేమితో ఇబ్బంది పడుతున్న ఫించ్‌ ఈ నిర్ణయం తీసుకున్నట్లు తెలుస్తుంది. ఫించ్‌ తన చివరి ఏడు వన్డే ఇన్నింగ్స్‌ల్లో చేసిన పరుగులు కేవలం 26 మాత్రమే. దీంతో వన్డే ఫార్మాట్‌ నుంచి తప్పుకుని టీ20ల్లో కొనసాగనున్నాడు. ప్రస్తుతం ఫించ్‌ ఆస్ట్రేలియా వన్డేతో పాటు టీ20 జట్టుకు కెప్టెన్‌గా ఉన్నాడు. ఆసీస్‌ తన కెప్టెన్సీలోనే తొలి టీ20 వరల్డ్‌ కప్‌ను అందించాడు.
ప్రస్తుతం ఆస్ట్రేలియా-న్యూజిలాండ్‌ మధ్య ఆసీస్‌లో మూడు వన్డేలు సిరీస్‌ నడుస్తోంది. ఇప్పటికే రెండు వన్డేల్లో ఆసీస్‌ గెలుపొందింది. చివరిదైన మూడో వన్డే ఆదివారం కెయిర్న్స్‌లో జరగనుంది. ఈ వన్డేతో ఫించ్‌ తన వన్డే కెరీర్‌కు ముగింపు పలకనున్నాడు. కాగా.. ఇప్పటి వరకు 145 వన్డేలు ఆడిన ఫించ్‌ 39.14 సగటుతో 5401 పరుగులు సాధించాడు. అందులో 17 సెంచరీలు, 30 హాఫ్‌ సెంచరీలు ఉన్నాయి. వన్డేలో ఫించ్‌ అత్యధిక వ్యక్తిగత స్కోర్‌ 153. 2015లో వన్డే వరల్డ్‌ కప్‌ టీమ్‌లో ఫించ్‌ సభ్యుడు. అలాగే ఆసీస్‌కు తొలి టీ20 వరల్డ్‌కప్‌ అందించిన కెప్టెన్‌గా ఫించ్‌ నిలిచాడు. వన్డేల్లో ఫించ్‌ ఇప్పటి వరకు 129 సిక్సులు బాదాడు. మరి ఫించ్‌ వన్డే ఫార్మాట్‌కు వీడ్కోలు పలకడంపై మీ అభిప్రాయాలను కామెంట్ల రూపంలో తెలియజేయండి.
Aron Finch announces retirement from one-day cricket
Australia’s 24th men’s ODI captain will play his 146th and final one-day international against New Zealand in Cairns on Sunday. #aronfinch #AsiaCup2022 #Australia #CricketTwitter #SrilankaCricket pic.twitter.com/oboRLks1K8— Rahul Sisodia (@Sisodia19Rahul) September 10, 2022
