follow us:
తెలంగాణ ప్రభుత్వం గర్భిణీ స్త్రీలకు మరో శుభవార్త తెలిపింది. ఇప్పటికే గర్భిణీ స్త్రీల కోసం తెలంగాణ ప్రభుత్వం అనేక రకాల సంక్షేమ పథకాలు అమలు చేస్తున్న విషయం తెలిసిందే. కేసీఆర్ కిట్, అంగన్వాడీ కేంద్రాల ద్వారా బాలింతలకు, గర్భిణీ స్త్రీలకు పోషకాహారం అందించడం వంటి సేవలు అందిస్తున్న విషయం తెలిసిందే. ఇక ఇదిలా ఉండగానే తెలంగాణ సర్కార్ గర్భిణీ స్త్రీలకు కోసం టిపా స్కానింగ్ మిషన్లను ప్రారంభించింది. దీంతో గర్భిణీ స్త్రీలకు మరింత ప్రయోజనం చేకూరనుందని మంత్రి హరీష్ రావు తెలిపారు. అయితే నూతనంగా ప్రారంభించిన ఈ టిపా స్కానింగ్ మిషన్ల ద్వారా గర్భిణీ స్త్రీలు ఎలాంటి ప్రయోజనాలు పొందనున్నారో తెలియాలంటే ఈ స్టోరీ చదవాల్సిందే.
తెలంగాణ ఆరోగ్య శాఖ మంత్రి తన్నీరు హరీష్ రావు పెట్ల బురుజు ఆస్పత్రి నుంచి రాష్ట్రంలో సుమారు 44 ప్రభుత్వ ఆస్పత్రుల్లో టిపా స్కానింగ్ మిషన్ల సెంటర్లను ప్రారంభించారు. ఈ సందర్భంగా హరీష్ రావు మాట్లాడుతూ.. తెలంగాణ రాష్ట్ర ప్రభుత్వం గర్భిణీ స్త్రీలకు అనేక సంక్షేమ పథకాలు అందిస్తుందని తెలిపారు. ఇక నుంచి టిపా స్కానింగ్ మిషన్లతో మరో అద్భుతమైన సేవలు గర్భిణీ స్త్రీలు పొందునున్నారని తెలిపారు.
ఇక ప్రతీ 100 మందిలో 7 శాతం శిశువులు లోపాలతో పుడుతున్నారని అన్నారు. నేడు నూతనంగా ప్రారంభించిన టిపా స్కానింగ్ మిషన్ల ద్వారా అలాంటి లోపాలతో జన్మించే శిశువులను ఈ టిపా స్కానింగ్ మిషన్లతో గుర్తించడం సాధ్యమవుతుందన్నారు. ఇలాంటి మిషన్లను ప్రారంభించడం చాలా ఆనందంగా ఉందని మంత్రి హరీష్ సంతోషం వ్యక్తం చేశారు. అయితే ఈ వీడియో కాన్ఫరెన్స్ ద్వారా మంత్రి హరీష్ రావు రాష్ట్రంలో 44 ప్రభుత్వ ఆస్ప్రతుల్లో 56 టిఫా మిషన్లను ప్రారంభిచడం విశేషం.
Inauguration of 56 TIFFA Scan Machines in 44 Health Facilities at Government Modern Maternity Hospital in Petlaburj, Hyderabad https://t.co/abn4ru1nkN
— Harish Rao Thanneeru (@trsharish) November 26, 2022
