follow us:
ప్రముఖ క్రైస్తవ మత ప్రబోధకుడు, ప్రజాశాంతి పార్టీ అధ్యక్షుడు కేఏ పాల్ ఎప్పుడూ సంచలన వ్యాఖ్యలు చేస్తూ వార్తల్లో నిలుస్తుంటారు. 2019 ఎన్నికల్లో ఏపీలో పోటీ చేసి ఘోర పరాజయం చవి చూసి.. కొంతకాలంపాటు మౌనంగా ఉండిపోయారు. ఇటీవల తెలంగాణ సీఎం కేసీఆర్ పై విమర్శలు చేస్తూ మళ్లీ వార్తలు నిలుస్తున్నారు. మరొకవైపు ఏపీ రాజకీయల్లోను పాల్ చురుకుగా వ్యవహరిస్తున్నారు. జనసేన అధినేత పవన్ కల్యాణ్ తనతో కలిసి రావాలని కేఏ పాల్ కోరిన సంగతి తెలిసిందే. అయితే తాజాగా పవన్ కల్యాణ్ కి కేఏ పాల్ మరో బంపర్ ఆఫర్ ఇస్తూ తన పార్టీలోకి ఆహ్వానం పలికారు.
జనసేన అధ్యక్షుడు పవన్ కల్యాణ్ తన సొంత పార్టీని వదిలిపెట్టి తమ పార్టీలో చేరితే ఎంపీగానో , ఎమ్మెల్యేగానో గెలిపిస్తామని చెప్పారు. ఒకవేళ పవన్ ను గెలిపించలేకపోతే రూ.1000 కోట్ల నజరానా ఇస్తానని పాల్ ప్రకటించారు. ఇదే సమయంలో పవన్ కల్యాణ్ ను ఉద్దేశించి కొన్ని ఆసక్తికర వ్యాఖ్యలు చేశారు. పవన్ సొంతగా పోటీ చేసినా, మరో పార్టీతో పొత్తు పెట్టుకుని పోటీకి దిగినా ఎన్నికల్లో గెలవలేడని చెప్పారు. బీజేపీతో చేతులు కలిపిన పవన్ ..బైబిల్ గురించి మాట్లాడటం విడ్డూరంగా ఉందని పాల్ అన్నారు. మరి.. పవన్ కల్యాణ్ కి కేఏ పాల్ ఇచ్చిన ఈ బంపర్ ఆఫర్ పై మీ అభిప్రాయాలను కామెంట్స్ రూపంలో తెలియజేయండి.
ఇదీ చదవండి: జనసేన, టీడీపీల పొత్తుల వ్యవహారం.. జ‌గ‌న్ రొట్టె విరిగి నేతిలో ప‌డినట్లేనా!
ఇదీ చదవండి: YCP పాలకుల అవినీతి గురించి కంప్లైంట్ చెయ్యలంటే ఏ యాప్ డౌన్ లోడ్ చేసుకోవాలి?: పవన్ కల్యాణ్
