ఓటీటీలో ‘రిపీట్’ సినిమా డైరెక్ట్ రిలీజ్.. స్ట్రీమింగ్ ఎప్పుడంటే?

ఒకప్పటితో పోలిస్తే.. ఈ మధ్య ఓటీటీ వినియోగం బాగా పెరిగిపోయింది. థియేటర్ కి వెళ్లి సినిమా ఎంతమంది చూస్తున్నారో.. అంతకు రెట్టించిన స్థాయిలో ఓటీటీలోనూ సినిమాలు, వెబ్ సిరీసులు చూస్తున్నారు. ఈ క్రమంలోనే పలు సినిమాలు నేరుగా ఓటీటీల్లో స్ట్రీమింగ్ అవుతున్నాయి. వాటిలో కూడా మంచి మంచి థ్రిల్లర్స్ ఉంటున్నాయి. అలా మీ ముందుకు రాబోతున్న మరో సినిమా ‘రిపీట్’. తాజాగా ఈ మూవీకి సంబంధించిన స్ట్రీమింగ్ తేదీని ప్రకటించారు. ట్రైలర్ కూడా ఇంట్రెస్టింగ్ గా ఉండటంతో.. నెటిజన్లు మూవీ కోసం ఎదురుచూస్తున్నారు.

ఇక వివరాల్లోకి వెళ్తే.. డిఫరెంట్ కాన్సెప్టులు ఎంచుకుంటూ ప్రేక్షకులకు ఎంటర్ టైన్ మెంట్ అందిస్తున్న నటుడు నవీన్ చంద్ర. టాలీవుడ్ లో హీరోగా ఎంట్రీ ఇచ్చినప్పటికీ.. అనుకున్నంత స్థాయిలో సక్సెస్ కాలేకపోయాడు. దీంతో నేను లోకల్, అరవింద సమేత తదితర మూవీస్ లో నెగిటివ్ తరహా రోల్స్ చేశాడు. ఇక ఓటీటీ కల్చర్ పెరిగిపోయిన తర్వాత.. పలు మూవీస్, వెబ్ సిరీసుల్లో హీరోగా చేస్తున్నాడు. పరంపర సిరీస్, అమ్ము సినిమాతో ఆకట్టుకున్న నవీన్ చంద్ర కొత్త సినిమా ‘రిపీట్’. డిస్నీ ప్లస్ హాట్ స్టార్ డిసెంబరు 1 నుంచి ప్రసారం కానుందని అధికారికంగా అనౌన్స్ చేశారు. ఇది తమిళ సినిమా ‘డెజావూ’కు తెలుగు రీమేక్ గా తెరకెక్కించారు.

ఓ నవల రచయిత ఊహించిన పాత్రలు సజీవంగా వచ్చిన అతడిని బెదిరిస్తే ఏం జరిగింది? ఫిక్షన్ అనేది భయంకరమైన రియాలిటీగా మారినప్పుడు ఏం జరిగింది? అనేదే ఈ రిపీట్ మూవీ స్టోరీ. ట్రైలర్ చూస్తే ఈ విషయం మీకు అర్థమైపోతుంది. పోలీసు ఇన్విస్టిగేషన్, హత్యలు, షాకింగ్ ఇన్సిడెంట్స్ ని బేస్ చేసుకుని తీసిన థ్రిల్లర్ లా ఇది కనిపిస్తుంది. ఇదిలా ఉండగా ఈ సినిమాలో నవీన్ చంద్రతోపాటు ఒకప్పటి హీరోయిన్ మధుబాల, అచ్యుత్ కుమార్ కీలకపాత్రలు పోషించారు. అరవింద్ శ్రీనివాసన్ దర్శకత్వం వహించారు.

Prepare to watch this one on Repeat 🔁#RepeatOnHotstar, Premieres December 1.@Naveenc212 #AchuythKumar @madhoo69 @smruthi_venkat @mimegopi #SatyamRajesh #Pooja @NaveenaActress @kaaliactor @dirarvindh @MuthaiahG @GhibranOfficial pic.twitter.com/1rYHCSKb6d

— Disney+ Hotstar Telugu (@DisneyPlusHSTel) November 24, 2022