రష్మికతో పెళ్లి.. జాతీయ మీడియాను ఏకిపారేసిన విజయ్

ఫిల్మ్ డెస్క్- రౌడీ హీరో విజయ్ దేవరకొండ, కన్నడ సోయగం రష్మిక మందన జోడికి ఉన్న క్రేజ్ అంతా ఇంతా కాదు. వీళ్లిద్దరి కాంబినేషన్ లో వచ్చన సినిమాలు బ్లాక్ బాస్టర్ హిట్ అయ్యాయి. విజయ్, రష్మిక కాంబినేషన్ లో వచ్చి గీత గోవిందం భారీ సక్సెస్ అవ్వగా, డియర్ కామ్రేడ్ సినిమా మంచి పేరు తెచ్చింది. ఇంతవరకు బాగానే ఉన్నా.. విజయ్, రష్మికల మద్య ఏదో ఉందనే పుకారు ముందు నుంచి వినిపిస్తోంది.

విజయ్ దేవరకొండ, రష్మిక మందన ప్రేమలో ఉన్నారని, అందుకే విజయ్ కుటుంబంతో సమయం చిక్కినప్పుడల్లా రష్మిక కనిపిస్తోందంటూ చర్చ జరిగింది. అందులోను పండగల సమయంలో రష్మిక.. విజయ్ తల్లితో కనిపిస్తూ వచ్చింది. విజయ్ తల్లి పుట్టిన రోజు సందర్భంగా రష్మిక సోషల్ మీడియాలో విషెస్ చెబుతూ వస్తోంది. అంతే కాదు న్యూయర్ వేడుకలు కూడా విజయ్, రష్మిక కలిసి జరుపుకోవడం విశేషం.

ఇవన్నీ పరిగణలోకి తీసుకున్నాక.. విజయ్, రష్మిక పీకల్లోతు ప్రేమలో ఉన్నారని, అతి త్వరలో పెళ్లి కూడా చేసుకోబోతున్నారని సోషల్ మీడియాలో చర్చ జరుగుతోంది. జాతీయ మీడియా సైతం వీరిద్దరి పెళ్లికి సంబంధించిన కథనాలను ప్రచురించడంతో విజయ్ దేవరకొండ అసహనం వ్యక్తం చేశారు.

రష్మికతో తనను జోడిస్తూ రాసిన వార్తలపై తన స్టైల్లో కౌంటర్లు వేశాడు విజయ్. ఎప్పటిలానే చెత్త వార్తలు, నాన్ సెన్స్ అంటూ తిట్టిపోరేశాడు. రాయలేనటువంటి బూతుతో రెచ్చిపోయాడు విజయ్ దేవరకొండ. అన్నట్లు విజయ్ ప్రస్తుతం పూరి జగన్నాథ్‌ తో లైగర్ సినిమాను పూర్తి చేశాడు. జన గణ మన అనే సినిమా తరువాత సుకుమార్‌ తొ మరో సినిమాకు ప్లాన్ చేస్తున్నాడు.

As usual nonsense..

Don’t we just
❤️ da news!

— Vijay Deverakonda (@TheDeverakonda) February 21, 2022