సోషల్ మీడియాలో వైరల్ అవుతున్న బీజెపీ నేత వీడియో

మహారాష్ట్రలో రాజకీయాలు రోజుకొక మలుపులు తీసుకుంటున్నాయి. గతంలో ఉద్ధవ్ థాకరే నేతృత్వంలోని శివసేనలో ఓ వర్గం తిరుగుబావుటా ఎగుర వేసింది. ఏక్ నాథ్ షిండే నేతృత్వంలోని వర్గం.. బీజేపీతో కలిసి ప్రభుత్వాన్ని ఏర్పాటు చేసిన సంగతి విదితమే. అంతేకాకుండా శివసేన పార్టీ పేరు, గుర్తు కోసం రెండు వర్గాలు పోటీ పడగా.. షిండే వర్గాన్ని నిజమైన శివసేనగా గత ఏడాది ఎన్నికల కమిషన్ ప్రకటించింది. పార్టీ పేరు, విల్లు-బాణం గుర్తును షిండే వర్గానికి కేటాయించింది. అలాగే తాజాగా ఎన్సీపీ కూడా చీలిపోయిన సంగతి విదితమే. ఎన్సీపీలో అజిత్ పవార్ తిరుగుబావుటా వేయడంతో రాష్ట్రంలో రాజకీయాలు ఒక్కసారిగా వేడేక్కాయి. ఈ తరుణంలో బీజెపీ నేతకు చెందిన ఓ అశ్లీల వీడియో బయటకు రావడం రాజకీయంగా కలవరపాటుకు గురి చేస్తోంది.

బిజెపీ నేత కిరీట్ సోమయ్య అర్థనగ్నంగా ఉన్న ఓ వీడియో ఒకటి నెట్టింట్లో హల్ చల్ చేస్తుంది. ఆయన ఆ వీడియోలో అభ్యంతరకర రీతిలో కనిపిస్తున్నారు. ఈ వీడియో వైరల్ అయ్యింది. దీంతో దీంతో ప్రతిపక్ష కాంగ్రెస్, ఉద్దవ్ నేతృత్వంలోని శివసేన వర్గం విమర్శల దాడి చేశాయి. మహిళలను వేధింపులకు గురి చేస్తున్న ఆయనపై కఠిన చర్యలు తీసుకోవాలని డిమాండ్ చేశాయి. కాగా, ఆయన చాలా మంది ఎంపీలు, ఎమ్మేల్యేలను కిరీట్ సోమయ్య బ్లాక్ మెయిల్ చేశాడని, అనేక మంది మహిళలను కూడా బ్లాక్ మెయిల్ చేసినట్లు బయటకు వచ్చిందని కాంగ్రెస్ నేత యశోమతి ఠాకూర్ అన్నారు. నైతికత గురించి మాట్లాడే నేతలు ఇప్పుడు ఏం చేస్తారంటూ ప్రశ్నించారు. కాగా, దీనిపై సోమయ్య వివరణ ఇచ్చారు. ఆ వీడియోలో తనపై వస్తున్న ఆరోపణలు అవాస్తవమని, తాను ఏ మహిళనూ వేధించలేదని, ఆ వీడియోపై విచారణ జరిపించాలని ఉప ముఖ్యమంత్రి, హోం మంత్రి, బీజెపీ నేత దేవేంద్ర ఫడ్నవీస్‌ను కోరారు.

A video clip of me was shown on a news channel. Claimed that I have harrassed many women & many such video clips available & complaints received against Me

I have never abused any woman

Request @Dev_Fadnavis to investigate such allegations and verify the authenticity of Videos pic.twitter.com/rR0l4nalOz

— Kirit Somaiya (@KiritSomaiya) July 18, 2023